പത്തനംതിട്ട: സംസ്ഥാനത്ത് എൻ.ഡി.എ ഏറെ പ്രതീക്ഷ വച്ച മഞ്ചേശ്വരത്തും കോന്നിയിലും ബിജെപി ഏറെ പിന്നിൽ. സംസ്ഥാന അദ്ധ്യക്ഷൻ കെ.സുരേന്ദ്രനാണ് രണ്ട് സീ‌റ്റുകളിലും മത്സരിക്കുന്നത്. ഇതിൽ കോന്നിയിൽ സുരേന്ദ്രൻ മൂന്നാം സ്ഥാനത്താണ്. സിറ്റിംഗ് എം.എൽ.എ സിപിഎമ്മിന്റെ ജനീഷ് കുമാർ ഇവിടെ 1807 വോട്ടിന് മുന്നിലാണ്. കോൺഗ്രസിന്റെ റോബിൻ പീ‌റ്ററാണ് ഇവിടെ രണ്ടാമത്. മഞ്ചേശ്വരത്ത് ലീഗിന്റെ പി.കെ.എം അഷ്‌റഫ് ഇവിടെ ലീഡ് ചെയ്യുകയാണ്. ബിജെപിയുടെ എ പ്ളസ് മണ്ഡലങ്ങളിൽ പെടുന്നതാണ് മഞ്ചേശ്വരം.

പത്തനംതിട്ടയിൽ എൽഡിഎഫ് അഞ്ച് മണ്ഡലങ്ങളിലും മുന്നിലാണ്. കാസർകോട് അഞ്ച് മണ്ഡലങ്ങളിൽ മൂന്നിടത്ത് യുഡിഎഫും രണ്ടിടത്ത് എൽഡിഎഫും ലീഡ് ചെയ്യുന്നു. മഞ്ചേശ്വരത്ത് ലീഗിന്റെ ലീഡ് 300ലധികം വോട്ടുകൾക്കാണ്.