സിനിമാ- സീരിയൽ താരം ശരൺ(40) അന്തരിച്ചു. വീട്ടിൽ കുഴഞ്ഞ് വീണതിനെ തുടര്‍ന്ന് രാവിലെ കടക്കല്‍ താലൂക്ക് ആശുപത്രിയില്‍ എത്തിച്ചുവെങ്കിലും മരണം സംഭവിക്കുകയായിരുന്നു.തിരുവനന്തപുരം സ്വദേശിയാണ്.മോഹൻലാലിന്റെ 'ചിത്രം' എന്ന സിനിമയിലൂടെ ശ്രദ്ധേയനായ നടനാണ് ശരൺ. ചിത്രത്തിൽ മോഹൻലാൽ അവതരിപ്പിച്ച വിഷ്ണു എന്ന കഥാപാത്രത്തിന്റെ സുഹൃത്തായിട്ടാണ് ശരൺ എത്തിയത്.
സിനിമാ-സീരിയല്‍ മേഖലയില്‍ ഡബ്ബിംഗ് ആര്‍ട്ടിസ്റ്റായിട്ടും പ്രവര്‍ത്തിച്ചിട്ടുണ്ട്. അന്തരിച്ച നടിയും ഡബ്ബിംഗ് ആര്‍ട്ടിസ്റ്റുമായിരുന്ന രാജകുമാരിയുടെ മകനാണ്.മൃതദേഹം ഇപ്പോൾ കടക്കല്‍ താലൂക്ക് ആശുപത്രിയില്‍ സൂക്ഷിച്ചിരിക്കുകയാണ്. കൊവിഡ് പരിശോധനാഫലം വന്നതിന് ശേഷം ബന്ധുക്കള്‍ക്ക് വിട്ട് നല്‍കും.