തിരുവനന്തപുരം: ഇന്ധന വില ഇന്നും കൂട്ടി.പെട്രോൾ ലിറ്ററിന് 25 പൈസയും ഡീസലിന് 32 പൈസയുമാണ് കൂട്ടിയത്. തുടർച്ചയായ മൂന്നാം ദിവസമാണ് ഇന്ധന വില വർദ്ധിക്കുന്നത്. കൊച്ചിയിൽ പെട്രോൾ ലിറ്ററിന് 91 രൂപ 15 പൈസയും, ഡീസലിന് 85 രൂപ 87 പൈസയുമാണ് ഇന്നത്തെ വില.

തിരുവനന്തപുരത്ത് ഒരു ലിറ്റർ പെട്രോളിന് 92 രൂപ 97 പൈസയും, ഡീസലിന് 87 രൂപ 57 പൈസയുമായി.ഇന്നലെ പെട്രോളിന് 17 പൈസയും ഡീസലിന് 20 പൈസയും വർദ്ധിപ്പിച്ചിരുന്നു. ചൊവ്വാഴ്‌ച പെട്രോളിന് 29 പൈസയും ഡീസലിന് 32 പൈസയും കൂട്ടിയിരുന്നു.