തിരുവനന്തപുരം: സംസ്ഥാനത്ത് നാലുദിവസം ട്രഷറി ഇടപാടുകള്‍ ഭാഗികമായി മുടങ്ങും. ഇന്ന് വൈകിട്ട് മുതല്‍ സേവനങ്ങള്‍ ലഭ്യമാകില്ല. പുതിയ സര്‍വറിലേക്ക് സേവനങ്ങള്‍ മാറ്റുന്നതിനാലാണിത്.
ട്രഷറിയിൽ സോഫ്റ്റ്‌വെയര്‍ തകരാർ മൂലം ഇടപാടുകളെല്ലാം താളം തെറ്റുന്നത് പതിവാണ്. എല്ലാ മാസവും ആദ്യ ആഴ്‌ചയാണ് സ്ഥിരമായി സാങ്കേതിക പ്രശ്‌നം ഉണ്ടാകുന്നത്. ഏപ്രിൽ ഒന്ന് മുതൽ പുതുക്കിയ ശമ്പളവും പെൻഷനും നൽകാൻ സോഫ്റ്റ‌്‌വെയർ പ്രശ്‌നം വലിയ വെല്ലുവിളിയാണ് ഉണ്ടാക്കിയത്.
പെൻഷൻ വാങ്ങാനെത്തിയവർ മണിക്കൂറുകളോളം കാത്തിരുന്നു. ട്രഷറികളുടെ പ്രവർത്തനം ദിവസങ്ങൾ തടസപ്പെടുകയും ചെയ്‌തു. സർവർ കപ്പാസിറ്റി കൂട്ടിയാൽ പ്രശ്‌നം പരിഹരിക്കാമെന്ന നിർദ്ദേശത്തിന്‍റെ അടിസ്ഥാനത്തിലാണ് പുതിയ സർവർ വാങ്ങിയത്.