ഇംഫാൽ: മണിപ്പൂർ ബി.ജെ.പി പ്രസിഡന്റ് എസ്. തികേന്ദ്ര സിംഗ് കൊവിഡ് ബാധിച്ച് മരിച്ചു. ഇംഫാലിലെ ഷിജ ആശുപത്രിയിൽ ചികിത്സയിലായിരുന്നു. മരണത്തിൽ ബി.ജെ.പി ദേശീയ പ്രസിഡന്റ് ജെ.പി നദ്ദ അനുശോചനം രേഖപ്പെടുത്തി.

1994 ലാണ് തികേന്ദ്ര ബി.ജെ.പിയിൽ ചേർന്നത്. ഇംഫാലിലെ മഹാരാജ ബോധചന്ദ്ര കോളേജിൽ അസോസിയേറ്റ് പ്രൊഫസറായിരുന്ന അദ്ദേഹം ജോലിയിൽ നിന്ന് സ്വമേധയാ വിരമിക്കുകയായിരുന്നു. 2006 മുതൽ 2009 വരെ സംസ്ഥാന ബി.ജെ.പിയുടെ ജനറൽ സെക്രട്ടറിയായിരുന്നു.