ന്യൂഡൽഹി: ആം ആദ്മി മുൻ എം.എൽ.എ ജർനൈൽ സിംഗ് (47) കൊവിഡ് ബാധിച്ച് മരിച്ചു. രാജീവ് ​ഗാന്ധി സൂപ്പർ സ്പെഷ്യാലിറ്റി ആശുപത്രിയിൽ ചികിത്സയിലായിരുന്നു.

തീവ്രപരിചരണവിഭാ​ഗത്തിൽ കഴിയുകയായിരുന്ന അ​ദ്ദേഹത്തിന് നെഞ്ചിൽ അണുബാധ കൂടുകയും നില ​ഗുരുതരമാകുകയും ചെയ്തിരുന്നു. ഡൽഹി മുഖ്യമന്ത്രി അരവിന്ദ് കേജ്‌രിവാൾ മരണത്തിൽ അനുശോചനം രേഖപ്പെടുത്തി.

2015ലെ നിയമസഭാ തിരഞ്ഞെടുപ്പിൽ രജൗരി ​ഗാർഡനിൽ നിന്ന് മത്സരിച്ചാണ് സിംഗ് വിജയിച്ചത്. 2017ൽ എം.എൽ.എ സ്ഥാനം രാജിവച്ച് പഞ്ചാബിലെ ലാംബി സീറ്റിൽ നിന്നും മുൻ പഞ്ചാബ് മുഖ്യമന്ത്രി പ്രകാശ് സിംഗ് ബാദലിനെതിരെ മത്സരിച്ചെങ്കിലും പരാജയപ്പെട്ടു. കഴിഞ്ഞ ആ​ഗസ്റ്റിൽ ആക്ഷേം നിറഞ്ഞ പോസ്റ്റ് ഫേസ്ബുക്കിൽ പങ്കുവച്ചതിന് സിംഗിനെ പാ‌ർട്ടി സസ്പെൻഡ് ചെയ്തിരുന്നു.