ന്യൂഡൽഹി : ടൗട്ടേ ചുഴലിക്കാറ്റിന്റെ പശ്ചാത്തലത്തിൽ പ്രധാനമന്ത്രി നരേന്ദ്രമോദി ഉന്നതതല യോഗം വിളിച്ചു. മുതിർന്ന ഉദ്യോഗസ്ഥർ, ദേശീയ ദുരന്ത നിവാരണ വിഭാഗം ഉദ്യോഗസ്ഥർ എന്നിവർ യോഗത്തിൽ പങ്കെടുക്കും.

ടൗട്ടേ ചുഴലിക്കാറ്റ് കണക്കിലെടുത്ത് നൂറ് എൻ.ഡി.ആർഎഫ് സംഘത്തെ സജ്ജമാക്കിയിട്ടുണ്ട്. ഇതിൽ 42 സംഘത്തെ കേരളം അടക്കമുള്ള ആറ് സംസ്ഥാനങ്ങളിലായി നിയോഗിച്ചിട്ടുണ്ടെന്ന് എൻ.ഡി.ആർ.എഫ് ആറിയിച്ചു.

ടൗട്ടേ അതിതീവ്ര ചുഴലിക്കാറ്റായി ചൊവ്വാഴ്ച ഗുജറാത്തിൽ എത്തുന്ന സാഹചര്യത്തിൽ 13 സംഘങ്ങളെ വ്യോമമാർഗം ഇന്ന് സംസ്ഥാനത്തെത്തിച്ചു. മോശം കാലാവസ്ഥയുള്ളതിനാൽ കേരളത്തിലേത് ഉൾപ്പെടെയുള്ള വിമാന സർവീസുകളെ ബാധിക്കുമെന്ന് വിമാനകമ്പനികൾ അറിയിച്ചു.