റിലീസായി വർഷങ്ങൾക്കു കഴിഞ്ഞ് ചില പാട്ടുകളും ആൽബങ്ങളുമെല്ലാം വീണ്ടും ഹിറ്റായി മാറാറുണ്ട്. അത്തരത്തിലൊരു പാട്ടാണ് രമേഷ് പിഷാരടി അഭിനയിച്ച ‘ശ്രീമാൻ ബ്രോ’ എന്ന ആൽബം. 2017ൽ റിലീസിനെത്തിയ ഈ ആൽബം ഇപ്പോൾ വീണ്ടും പ്രേക്ഷകർക്കിടയിൽ ഹിറ്റായിരിക്കുകയാണ്.

“കാലമങ്ങനെ കിടക്കുകയല്ലേ കടലുമാതിരി, ചുമ്മാ നീന്ത് ബ്രോ….” എന്ന രസകരമായ വരികൾ ഇപ്പോൾ വീണ്ടും സോഷ്യൽ മീഡിയ ഏറ്റെടുത്തു കഴിഞ്ഞു. നാലു വർഷം മുൻപ് താൻ അഭിനയിച്ച ‘ശ്രീമാൻ ബ്രോ’യെ പ്രേക്ഷകർക്ക് പരിചയപ്പെടുത്തിയിരിക്കുന്നത് മറ്റാരുമല്ല,​ സാക്ഷാൽ രമേഷ് പിഷാരടി തന്നെ. “റീൽസ് കണ്ട് ഒരു പാട് പേർ ചോദിച്ച പാട്ട് ഇതാണ്. സംവിധാനം: സഹീർ അബ്ബാസ്, ആലാപനം: സമദ് സുലൈമാൻ, വരികൾ: ഷെഫീക്ക് റഹ്‌മാൻ, എഡിറ്റിംഗ്: ഡോൺ മാക്സ്, നിർമ്മാണം: എസ്സാർ മീഡിയ. സിഗ്നേച്ചർ സ്റ്റൈപ്പ് അൽപ്പം പാടാണ്,” എന്ന അടിക്കുറിപ്പോടെയാണ് പിഷാരടി വീഡിയോ പങ്കുവച്ചിരിക്കുന്നത്.