കൊച്ചി: സ്വർണവിലയിൽ ഒരു ദിവസത്തെ ഇടവേളയ്‌ക്ക് ശേഷം ഇന്ന് വർദ്ധനവ് രേഖപ്പെടുത്തി. പവന് 120 വർദ്ധിച്ച് 36,480 രൂപയായി. കഴിഞ്ഞ ദിവസം ഇത് 36,360 ആയിരുന്നു. ഗ്രാമിന് 15 രൂപ വർദ്ധിച്ച് 4560 രൂപയായി.

രാജ്യത്തെ കമ്മോഡിറ്റി വിപണിയായ എം‌സി‌എക്‌സിൽ ഗോൾഡ് ഫ്യൂച്ചേഴ്‌സിന് പക്ഷെ വിലയിടിഞ്ഞു. 0.32 ശതമാനം താഴ്‌ന്ന് 10 ഗ്രാമിന് 48,520 ആയി വില. എന്നാൽ അന്താരാഷ്‌ട്ര വിപണിയിൽ സ്വർണവിലയിൽ മാ‌റ്റമില്ല. ഡോളർ കരുത്താർജിച്ചതും യു.എസ് ട്രഷറി ആദായം 1.66 ശതമാനമായി കൂടുകയും ചെയ്തതോടെ വിലയിടിവ് തടഞ്ഞു. ഔൺസിന് 1869.50 ഡോളർ ആണ് ഇപ്പോൾ വില.