കൊച്ചി:സംസ്ഥാനത്തെ കൊവിഡ് വാക്‌സിൻ വിതരണത്തിലെ ആശങ്കകൾ പരിഹരിക്കണമെന്നാവശ്യപ്പെട്ടുള്ള ഹർജി ഇന്ന് വീണ്ടും ഹൈക്കോടതി പരിഗണിക്കും. ഒറ്റപ്പാലം സ്വദേശി പ്രഭാകരൻ ഉൾപ്പടെയുള്ളവർ സമർപ്പിച്ച ഹർജികളാണ് ഹൈക്കോടതിയുടെ പരിഗണനയിലുള്ളത്.
ഹർജി തീർപ്പാക്കും വരെ പൊതുവിപണിയിലെ വാക്‌സിൻ വിൽപന നിർത്തിവയ്ക്കണമെന്നും ഹർജിയിൽ ആവശ്യപ്പെടുന്നുണ്ട്. വാക്‌സിൻ വിതരണത്തിലെ മെല്ലെപ്പോക്കിൽ കേന്ദ്ര സർക്കാറിനോടുള്ള അതൃപ്തി ഹൈക്കോടതി നേരത്തെ അറിയിച്ചിരുന്നു.
ഇങ്ങനെ പോകുകയാണെങ്കിൽ വാക്‌സിൻ വിതരണം പൂർത്തിയാക്കാൻ രണ്ട് വർഷം വേണ്ടി വരുമെന്ന് ഹൈക്കോടതി വിമർശിച്ചിരുന്നു.കേരളം ആവശ്യപ്പെട്ട വാക്‌സിൻ എപ്പോൾ നൽകും എന്നതുൾപ്പടെയുള്ള കാര്യങ്ങൾ അറിയിക്കാൻ കോടതി നിർദേശം നൽകിയിട്ടുണ്ട്.