സോഷ്യൽ മീഡിയയിൽ പങ്കുവച്ച ചിത്രത്തിന് നേരെയെത്തിയ പരിഹാസ കമന്റുകൾക്ക് കുറിക്കു കൊള്ളുന്ന മറുപടിയുമായി നടി ശ്രീയ രമേഷ്. കൊവിഡിനെ കുറിച്ച് എഴുതിയ ഒരു കുറിപ്പിലായിരുന്നു പരിഹാസ കമന്റ്.

"പുതിയ കൊവിഡ് കേസുകളും ടി.പി.ആറും കുറഞ്ഞെങ്കിലും മരണനിരക്ക് കൂടിക്കൂടി വരുന്നു. ഇപ്പോഴും മറ്റുള്ളവർ പറഞ്ഞും, കാണിച്ചുകൊടുത്തും മാത്രം മാസ്ക്ക് ഇടുകയും കൈ കഴുകുകയും ചെയ്യുകയുള്ളൂ എന്നു ശഠിക്കുന്നവർ ബുദ്ധിക്ക് എന്തോ കുഴപ്പമുള്ളവർ ആണെന്ന് തോന്നുന്നു. അല്ലേ സുഹൃത്തുക്കളെ? ഞാൻ വീട്ടിലാണ്, മതിലിനുള്ളിലാണ്, രണ്ടു മീറ്റർ അടുത്ത് ആരുമില്ല" എന്ന പോസ്റ്റിനു താഴെയാണ് വിമർശനശരങ്ങൾ ഉയർന്നുവന്നത്.

എന്നാൽ മാസ്ക് പോലും ധരിക്കാതെ മറ്റുള്ളവരെ ഉപദേശിക്കാൻ നിങ്ങളാര് എന്ന വിമർശനമാണ് പിന്നീട് ഉണ്ടായത്. ‘വീടിന് വെളിയിൽ ഇറങ്ങാൻ വേണ്ടി ഇത്രയും ഒരുങ്ങിയില്ലേ.. അപ്പോൾ മാസ്ക് മുഖ്യം ബിഗിലെ’, ‘മതിൽ കെട്ടിനകത്തു ആണേലും വാച്ച്, കണ്ണാടി, വെളിയിൽ ഇറങ്ങാൻ പുതിയ ഡ്രസ്സ്‌, ഷൂ..ഇത്രയൊക്കെ ഉള്ള സ്ഥിതിക്ക് മാസ്ക് ഒരു കുറവ് ആണ്’ എന്നും വിമർശകർ പറയുന്നു.

‘അതുകൊണ്ട് മാസ്ക് വേണ്ടേ?വീടിനുള്ളിൽ ആണേൽ എന്തിനാ ചേച്ചിയേ ഇത്രയും മേക്കപ്പ് ? എന്ത് പ്രഹസനം ആണ് ഷാജി’ എന്നായിരുന്നു മറ്റൊരു വിമർശകന്റെ കമന്റ്.

ഈ ചോദ്യത്തിന് ശ്രീയ കൊടുത്ത മറുപടിയാണ് ചർച്ചയാവുന്നത്: ‘ഒരു പെണ്ണു വീട്ടിൽ മേക്കപ്പ് ഇട്ട് ഫോട്ടോ എടുത്താൽ അത് തോൽവി, എന്നാൽ ഒരു ആണ് കളറും അടിച്ച് വീട്ടിൽ ഫോട്ടോ എടുത്താൽ അത് ജയം… താനൊക്കെ എന്ത് ജീവികളാടോ’ വിഷയത്തിൽ ശ്രീയയെ പിന്തുണച്ച് നിരവധി ആളുകൾ രംഗത്തെത്തിയിട്ടുണ്ട്.