ബെർലിൻ: ജർമനിയിൽ 12 മുതൽ 15 വയസ്സ് വരെയുള്ള കുട്ടികൾക്ക് വാക്സിൻ നൽകാനൊരുങ്ങുന്നു. എന്നാൽ, ഇത്​ നിർബന്ധമല്ലെന്ന് ജർമൻ ചാൻസലർ ആംഗല മെർക്കൽ പറഞ്ഞു. ജൂൺ ഏഴ് മുതൽ കുട്ടികൾക്ക് വാക്സിൻ നൽകുമെന്നാണ് വിവരം. സ്​കൂളുകളിൽ പോകാനും വിനോദ യാത്രകളിൽ പങ്കെടുക്കാനും വാക്സിൻ സ്വീകരിക്കണം. ഫൈസർ വാക്സിനാണ് കുട്ടികൾക്ക് നൽകാനൊരുങ്ങുന്നത്. കാനഡ, അമേരിക്ക​ എന്നീ രാജ്യങ്ങൾ നേരത്തെ തന്നെ 12 വയസ്സിന് മുകളിലുള്ള കുട്ടികൾക്ക്​ വാക്​സിൻ നൽകി തുടങ്ങിയിരുന്നു.