ചെന്നൈ: കൊവിഡ് ബാധിച്ച് തമിഴ് നടൻ വെങ്കട് ശുഭ അന്തരിച്ചു. ചെന്നൈയിലെ സ്വകാര്യ ആശുപത്രിയിൽ ഇന്നലെ പുലർച്ചെയായിരുന്നു അന്ത്യം. പത്ത് ദിവസമായി കൊവിഡ് ചികിത്സയിലായിരുന്നു. നിർമ്മാതാവും അടുത്ത സുഹൃത്തുമായ ടി. ശിവയാണ് മരണവാർത്ത അറിയിച്ചത്. വെങ്കട് ശുഭയുടെ ആരോഗ്യനില മോശമായതിനെത്തുടർന്ന് കഴിഞ്ഞ ദിവസം തീവ്രപരിചരണ വിഭാഗത്തിലേക്ക് മാറ്റിയിരുന്നു.

മൊഴി, അഴകിയ തീയേ, കണ്ടനാൾ മുതൽ തുടങ്ങിയ സിനിമകളിൽ അദ്ദേഹം അഭിനയിച്ചിട്ടുണ്ട്. തമിഴ് സീരിയലുകളിലും വേഷമിട്ടു. ടൂറിംഗ് ടാക്കീസ് എന്ന യൂട്യൂബ് ചാനലിൽ സിനിമാനിരൂപണ പരിപാടി അവതരിപ്പിച്ചിരുന്നു.