വിയറ്റ്‌നാം: കൊവിഡ് വ്യാപനത്തിൽ പുതിയ വെല്ലുവിളിയായി വീണ്ടും വൈറസിന് ജനിതകമാറ്റം. ഇന്ത്യയിലും യു കെയിലുമുള്ള വൈറസ് വകഭേദങ്ങളുടെ സംയുക്തമായ വൈറസ് വിയറ്റ്നാമിൽ കണ്ടെത്തി. വിയറ്റ്‌നാമിലെ ഗവേഷകരാണ് വൈറസിനെ തിരിച്ചറിഞ്ഞത്. വിയറ്റ്നാം ആരോഗ്യമന്ത്രി ഇക്കാര്യം സ്ഥിരീകരിച്ചു.

മറ്റ് കൊവിഡ് വകഭേദങ്ങളേക്കാൾ വേഗത്തിൽ പടരുന്നതാണ് പുതിയ വൈറസിന്‍റെ രീതി. അത്യന്തം അപകടകരമായ വൈറസാണ് ഇതെന്നാണ് വിയറ്റ്‌നാം ആരോഗ്യമന്ത്രാലയത്തിന്‍റെ മുന്നറിയിപ്പ്.

വാക്‌സിനേഷനെതിരെ നിലവിൽ മികച്ച പ്രതിരോധമാണ് വിയറ്റ്‌നാം നടത്തിവരുന്നത്. 6,856 പേർക്കാണ് ഇതുവരെ വിയറ്റ്നാമിൽ കൊവിഡ് ബാധിച്ചത്. 47 പേർ രാജ്യത്ത് മരിച്ചിട്ടുണ്ട്. വാക്‌സിനേഷൻ പ്രക്രിയ വിയറ്റ്‌നാമിൽ പുരോഗമിക്കുകയാണ്.