ന്യൂഡല്‍ഹി: മേയ് 30ന് ഏഴുവര്‍ഷം പൂര്‍ത്തിയാക്കുന്ന നരേന്ദ്ര മോദി സർക്കാരിനെ പുകഴ്ത്തി കേന്ദ്ര ആഭ്യന്തര മന്ത്രി അമിത് ഷാ. സുരക്ഷ, പൊതുജനക്ഷേമം, പരിഷ്‌കാരങ്ങള്‍ എന്നിവയില്‍ ഈ കാലയളവില്‍ ഇന്ത്യ അത്ഭുത നേട്ടങ്ങള്‍ക്ക് രാജ്യം സാക്ഷ്യം വഹിച്ചുവെന്ന് അമിത് ഷാ ട്വീറ്റിൽ വ്യക്തമാക്കി..
ഹിന്ദിയിലും ഇംഗ്ലീഷിലുമായാണ് അമിത് ഷായുടെ ട്വീറ്റ്.. മോദി സര്‍ക്കാരിന്റെ നയങ്ങള്‍ പാവപ്പെട്ടവരെയും കര്‍ഷകരെയും പാര്‍ശ്വവല്‍ക്കരിക്കപ്പെട്ടവരെയും മുഖ്യധാരയിലേക്ക് ഉയര്‍ത്തിയെന്നും മോദിയെന്ന കരുത്തുറ്റ നേതാവിന്റെ കീഴില്‍ ഇന്ത്യ ശക്തിയുള്ള രാജ്യമായെന്നും അമിത് ഷാ പറഞ്ഞു. ഏഴുവര്‍ഷമായി രാജ്യത്തെ ജനങ്ങള്‍ മോദിയിലുള്ള വിശ്വാസം തുടര്‍ച്ചയായി രേഖപ്പെടുത്തിയെന്നും എല്ലാ പ്രതിസന്ധികളെയും മോദിയുടെ നയകാഴ്ചപ്പാടുകളാല്‍ മറികടക്കാന്‍ സാധിക്കുമെന്നും അമിത് ഷാ പറഞ്ഞു.