തിരുവനന്തപുരം : പെട്രോൾ ഡീസൽ വിലയിൽ വീണ്ടും വർദ്ധനവ്. പെട്രോളിന് ലീറ്ററിന് 29 പൈസയും ഡീസൽ ലീറ്ററിന് 28 പൈസയുമാണ് കൂടിയത്. ഇതോടെ മേയ് മാസത്തിൽ മാത്രം പതിനാറ് തവണയാണ് രാജ്യത്ത് എണ്ണവില വർദ്ധിച്ചത്. ഇതോടെ ഈ മാസം പെട്രോൾ 3 രൂപ47 പൈസയും ഡീസലിന് 4 രൂപ 23 പൈസയുമാണ് വില കൂടിയത്. സെഞ്ച്വറിയിലേക്ക് എണ്ണവില നീങ്ങുമ്പോൾ ജനജീവിതം കൂടുതൽ കഷ്ടപ്പാടിലേക്ക് നീങ്ങുകയാണ്.

ഇന്നത്തെ വർദ്ധനവോടെ തിരുവനന്തപുരത്ത് പെട്രോളിന് 96 രൂപ 21 പൈസയും ഡീസലിന് 91 രൂപ 50 പൈസയും ആയി.കൊച്ചിയില്‍ പെട്രോള്‍ വില ലീറ്ററിന് 94 രൂപ 33 പൈസയും, ഡീസലിന് 89 രൂപ 74 പൈസയുമാണ്.