ചൈന:ദമ്പതികൾക്ക് മൂന്ന് കുട്ടികൾ വരെയാകാമെന്ന സുപ്രധാന നയംമാറ്റവുമായി ചൈന. 1970കളിലാണ് ചൈനയിൽ ജനസംഖ്യ കുറയ്ക്കുന്നതിന്റെ ഭാഗമായി രണ്ട് കുട്ടി നയം നടപ്പിലാക്കിയത്. ജനന നിരക്കിൽ വലിയ കുറവുണ്ടായതോടെയാണ്​ ചൈന പുതിയ നിയമപരിഷ്കരണം കൊണ്ടുവന്നത്.

ചൈനയിൽ 140 കോടിയോളം ജനങ്ങളാണുള്ളത്.പ്രായമേറിയ ജനവിഭാഗത്തിന്റെ എണ്ണം കൂടുന്നത്​ പരിഗണിച്ചാണ്​ നയം മാറ്റുന്നതെന്ന്​ ഔദ്യോഗിക മാദ്ധ്യമമായ സിൻഹുവ റിപ്പോർട്ട്​ ചെയ്യുന്നു​. പ്രസിഡന്റ് ഷി ജിൻപിംഗിന്റെ അദ്ധ്യക്ഷതയിൽ ചേർന്ന ചൈനീസ്​ കമ്യൂണിസ്റ്റ്​ പാർട്ടിയുടെ പോളിറ്റ്​ബ്യൂറോയിലാണ്​ തീരുമാനമുണ്ടായത്​. 1960കൾക്ക്​ ശേഷമുള്ള ഏറ്റവും കുറഞ്ഞ ജനനനിരക്കാണ്​ കഴിഞ്ഞ മാസം ചൈനയിൽ രേഖപ്പെടുത്തിയത്​. 2015ൽ ഒറ്റകുട്ടി നയത്തിലും ചൈന മാറ്റം വരുത്തിയിരുന്നു. 2010 മുതൽ 2020 വരെയുള്ള കാലയളവിൽ 0.53 ശതമാനമാണ്​ ചൈനയിലെ ജനസംഖ്യ വളർച്ചാ നിരക്ക്​. 2000 മുതൽ 2010 വരെയുള്ള കാലയളവിൽ ഇത്​ 0.57 ശതമാനമായിരുന്നു. നാല്​ പതിറ്റാണ്ട്​ കാലയളവിൽ ഒറ്റക്കുട്ടി നയവുമായി ചൈന മുന്നോട്ട്​ പോയിരുന്നു.