കലഞ്ഞൂർ : പഞ്ചായത്തിലെ മഴക്കെടുതിയിൽ നാശനഷ്ടങ്ങളുണ്ടായ സ്ഥലങ്ങൾ നിയുക്ത എം.എൽ.എ കെ. യു. ജനീഷ് കുമാർ സന്ദർശിച്ചു. കലഞ്ഞൂർ പഞ്ചായത്ത് പ്രസിഡന്റ് ടി. വി. പുഷ്പവല്ലി , കോന്നി തഹസീൽദാർ കെ. എസ്. നസിയ, ഡെപ്യുട്ടി തഹസീൽദാർ സജീവ്, പഞ്ചായത്ത് അംഗങ്ങളായ സുഭാഷിണി, അജിത, മുൻ പഞ്ചായത്ത് പ്രസിഡന്റ് മനോജ് കുമാർ, ഉൻമേഷ്, വില്ലേജ് ഓഫിസർമാർ തുടങ്ങിയവർ ഒപ്പമുണ്ടായിരുന്നു.

മഴയോടെപ്പം വീശിയടിച്ച കാറ്റ് കലഞ്ഞൂർ പഞ്ചായത്തിൽ വലിയ നാശനഷ്ടങ്ങൾ ഉണ്ടാക്കിയിരുന്നു. നിരവധി വീടുകൾ തകർന്നു. കടകൾ ക്കും മറ്റ് കെട്ടിടങ്ങൾക്കും വ്യാപകമായ നാശനഷ്ടങ്ങൾ സംഭവിച്ചു. കാർഷികമേഖലയിലും വലിയ നഷ്ടങ്ങളുണ്ടായിട്ടുണ്ട്. കൂടൽ, നെല്ലിമുരുപ്പ്, പുന്നമൂട്,കരയ്ക്കക്കുഴി,മണക്കാട്ടുപുഴ, ചെറിയകോൺ,പാലമല എന്നിവിടങ്ങളിലാണ് ഏറെ നഷ്ടങ്ങളുണ്ടായത്.കലഞ്ഞൂർ ഗവ. എൽ പി സ്‌കൂളിന്റെ മേൽക്കൂര തകർന്നിരുന്നു.കലഞ്ഞൂർ ഡിപ്പോ ജംഗ്ഷനിലെ ജില്ലാ നഴ്‌സറിയുടെ ഷെഡ്ഡുകൾ തകർന്നു. വില്പനയ്ക്ക് തയ്യാറാക്കിയിരുന്ന ലക്ഷക്കണക്കിന് തൈകൾ നഷ്ടപ്പെട്ടു.
ഇലക്ട്രിക് പോസ്റ്റുകളും ലൈനുകളു തകർന്നുകിടക്കുകയാണ്.. റോഡിൽ മരംവീണ് വാഹന ഗതാഗതവും തടസപ്പെട്ട നിലയിലാണ്.