പത്തനംതിട്ട : അയിരൂർ ജില്ലാ ആയുർവേദ ആശുപത്രിയിൽ ആശുപത്രി മാനേജ്‌മെന്റ് കമ്മിറ്റി മുഖേന സാനിട്ടേഷൻ വർക്കർ തസ്തികയിൽ ദിവസവേതന അടിസ്ഥാനത്തിൽ പ്രതിദിനം 350 രൂപ നിരക്കിൽ ആളിനെ നിയമിക്കുന്നതിന് നിശ്ചിത യോഗ്യതയുളളവരിൽ നിന്നും അപേക്ഷ ക്ഷണിച്ചു. ഏഴാം ക്ലാസ് പാസായവരും 50 വയസിൽ താഴെ പ്രായമുളളവരും പൂർണ ആരോഗ്യമുളളവരും ആയിരിക്കണം അപേക്ഷിക്കേണ്ടത്. വെളളപേപ്പറിൽ തയാറാക്കിയ അപേക്ഷയും നിശ്ചിത യോഗ്യത തെളിയിക്കുന്ന സർട്ടിഫിക്കറ്റുകളുടെ അസലും, സാക്ഷ്യപ്പെടുത്തിയ കോപ്പിയും സഹിതം 20 ന് രാവിലെ 11 ന് കൊവിഡ് പ്രോട്ടോകോൾ പാലിച്ച് ജില്ലാ ആയുർവേദ ആശുപത്രിയുടെ ഓഫീസിൽ ഹാജരാകണം. കൂടിക്കാഴ്ച നടത്തി നിയമനം ലഭിക്കുന്ന ആൾ ജോലിയിൽ പ്രവേശിക്കുന്നതിന് മുമ്പ് 200 രൂപ മുദ്രപത്രത്തിൽ സമ്മതപത്രം എഴുതി നൽകണം. 90 ദിവസത്തേക്കോ പകരം സ്ഥിരം ജീവനക്കാർ ജോലിയിൽ പ്രവേശിക്കുന്നതുവരെ സർക്കാർ നിബന്ധനകൾക്ക് വിധേയമായിരിക്കും നിയമനം. കൂടുതൽ വിവരങ്ങൾ പ്രവൃത്തി ദിനങ്ങളിൽ ഓഫീസിൽ നിന്നും അറിയാം. ഫോൺ : 04735 231900.