പത്തനംതിട്ട: മഴ സാഹചര്യത്തിൽ ജില്ലയിലെ മൂന്ന് താലൂക്കുകളിൽ ഒൻപത് ദുരിതാശ്വാസ ക്യാമ്പുകളിലായി 195 പേർ കഴിയുന്നു. തിരുവല്ല, കോഴഞ്ചേരി, മല്ലപ്പള്ളി താലൂക്കുകളിലാണ് ക്യാമ്പുകൾ പ്രവർത്തിക്കുന്നത്. 71 പുരുഷന്മാരും 75 സ്ത്രീകളും 26 ആൺകുട്ടികളും 23 പെൺകുട്ടികളുമാണു ക്യാമ്പിലുള്ളത്.
തിരുവല്ല താലൂക്കിൽ 6 ക്യാമ്പുകളിലായി 42 കുടുംബങ്ങളിലെ 61 പുരുഷന്മാരും 68 സ്ത്രീകളും 26 ആൺകുട്ടികളും 21 പെൺകുട്ടികളും ഉൾപ്പടെ 176 പേരാണുള്ളത്. കോഴഞ്ചേരി താലൂക്കിലെ ഒരു ക്യാമ്പിലായി മൂന്നു കുടുംബത്തിലെ മൂന്നു പുരുഷന്മാരും മൂന്നു സ്ത്രീകളും രണ്ടു പെൺകുട്ടികളും ഉൾപ്പടെ എട്ടു പേരാണുള്ളത്. മല്ലപ്പള്ളി താലൂക്കിലെ രണ്ടു ക്യാമ്പിൽ മൂന്നു കുടുംബത്തിലെ ഏഴു പുരുഷന്മാരും നാലു സ്ത്രീകളും ഉൾപ്പടെ 11 പേരുമാണു കഴിയുന്നത്.
കോഴഞ്ചേരിയിൽ ക്യാമ്പിൽ കഴിയുന്നവരിൽ രണ്ടും തിരുവല്ലയിൽ ക്യാമ്പിൽ കഴിയുന്ന 28 പേരും 60 വയസിന് മുകളിൽ പ്രായമുള്ളവരാണ്. കൊവിഡ് രോഗ ലക്ഷണമുള്ളവരായ നാലു പേരാണ് മല്ലപ്പള്ളിയിലെ ക്യാമ്പിൽ കഴിയുന്നത്.
അടൂർ, കോഴഞ്ചേരി, തിരുവല്ല, റാന്നി, കോന്നി, മല്ലപ്പള്ളി എന്നീ താലൂക്കുകളിലായി 71 പേരുടെ വീടുകളാണ് ഭാഗികമായും തിരുവല്ലയിൽ ഒരു വീട് പൂർണമായും മഴയിൽ തകർന്നത്.

അടൂർ 23, കോഴഞ്ചേരി 5, തിരുവല്ല 4, റാന്നി 10,കോന്നി 16, മല്ലപ്പള്ളി 13 വീടുകളാണ് ഭാഗീകമായി തകർന്നിട്ടുള്ളത്‌