ചെങ്ങന്നൂർ : മാന്നാർ യൂണിയനിലെ കൊവിഡ് ബാധിതർക്കാശ്വാസമായി എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശന്റെ സഹായ ഹസ്തം. അപ്പർ കുട്ടനാട് കാർഷിക മേഖലയായ മാന്നാർ എസ്.എൻ.ഡി.പി യൂണിയനിൽ നിലവിൽ കൊവിഡ് ബാധിതരുള്ള ഇരുപത്തഞ്ചോളം ശാഖയിലെ 200 കുടുംബംഗങ്ങൾക്കാണ് ഭക്ഷ്യധാന്യം, പച്ചക്കറി കിറ്റുകൾ വിതരണം ചെയ്യുന്നതിന് യോഗം ജനറൽ സെക്രട്ടറി വെള്ളാപ്പള്ളി നടേശന്റെ സഹായമെത്തിയത്. യൂണിയൻ അഡ്മിനിസ്‌ട്രേറ്റീവ് കമ്മിറ്റി ശാഖായോഗം മുഖേന തയാറാക്കിയ കൊവിഡ് ബാധിച്ച് അവശത അനുഭവിക്കുന്ന ഇരുനൂറോളം കുടുംബങ്ങളിലെ ആയിരത്തിൽപ്പരം പേർക്ക് സഹായമെത്തിച്ചു. ബുധനൂർ 66ാം ശാഖായോഗം സെക്രട്ടറി സത്യാനന്ദപ്പണിക്കർക്ക് യൂണിയൻ ചെയർമാൻ ഡോ.എം.പി വിജയകുമാർ ശാഖാ അംഗങ്ങൾക്കുള്ള കിറ്റുകൾ കൈമാറി ഉദ്ഘാടനം ചെയ്തു. യൂണിയൻ കൺവീനർ ജയലാൽ.എസ് പടീത്തറ വിശദീകരണ പ്രസംഗം നടത്തി. വിവിധ ശാഖായോഗങ്ങളിൽ നടന്ന വിതരണ പരിപാടികൾക്ക് യൂണിയൻ അഡ്മിനിസ്‌ട്രേറ്റീവ് കമ്മിറ്റി അംഗങ്ങളായ ദയകുമാർ ചെന്നിത്തല, ഹരിലാൽ ള്ളുന്തി, ഹരിപാല മൂട്ടിൽ, പോഷകസംഘടന നേതാക്കളായ പുഷ്പാ ശശികുമാർ, അനുകുമാർ, അരുൺ അച്ചു, കെ.വി സുരേഷ്‌കുമാർ എന്നിവർ നേതൃത്വം നൽകി. കണ്ടെയ്‌മെന്റ് സോണുകളിലുൾപ്പടെയുള്ള കൊവിഡ് ബാധിതർക്കുള്ള ഭക്ഷ്യധാന്യ, പച്ചക്കറി കിറ്റുകൾ ശാഖായോഗം ഭാരവാഹികൾ ഏറ്റുവാങ്ങി ഭവനങ്ങളിൽ എത്തിച്ച് നൽകി. ഡോ.എം.പി.വിജയകുമാർ, ഹരിലാൽ ഉളുന്തി, യൂണിയൻ യൂത്ത്മൂവ്‌മെന്റ് പ്രവർത്തകരും ഇതിനാവശ്യമായ സഹായങ്ങൾ ചെയ്തു.