പത്തനംതിട്ട : ലക്ഷദ്വീപിലെ ജനങ്ങൾക്ക് കേരളത്തിന്റെ ഐക്യദാർഢ്യം പ്രഖ്യാപിച്ച് ജനകീയ പ്രതിരോധ സമിതി ഓൺലൈൻ കൺവെൻഷൻ ഇന്ന് നടക്കും. ലക്ഷദ്വീപ് നിവാസികളുടെ സ്വതന്ത്ര ജീവിതത്തേയും ദ്വീപിനേയും തകർക്കുന്ന അഡ്മിനിസ്‌ട്രേറ്ററെ ഉടൻ തിരിച്ച് വിളിക്കാൻ ആവശ്യപ്പെട്ട് ലക്ഷദ്വീപ് നിവാസികൾ നടത്തുന്ന പ്രക്ഷോഭത്തിന് പിന്തുണ പ്രഖ്യാപിച്ച് ഓൺലൈനിലാണ് കൺവെൻഷൻ സംഘടിപ്പിക്കുന്നത്. ഇന്ന് വൈകിട്ട് 6ന് ആരംഭിക്കുന്ന കൺവെൻഷൻ സുപ്രീം കോടതിയിലെ മുതിർന്ന അഭിഭാഷകൻ സഞ്ജയ് ഹെഗ്‌ഡെ ഉദ്ഘാടനം ചെയ്യും. പാർലമെന്റ് അംഗങ്ങളായ മുഹമ്മദ് ഫൈസൽ(ലക്ഷദീപ് ), എളമനംകരീം, എൻ.കെ.പ്രേമചന്ദ്രൻ, ബിനോയ് വിശ്വം, ഹൈബി ഈഡൻ എന്നിവർ കൺവെൻഷനിൽ പങ്കെടുക്കും. സിനിമാതാരം സലീംകുമാർ മുഖ്യാതിഥിയായിരിക്കും. കേരള സംസ്ഥാന ജനകീയ പ്രതിരോധ സമിതിയുടെ ഫൈസ്ബുക്ക് പേജായ ജെ.പി.എസ് കേരള വഴി കൺവെൻഷൻ ലൈവായി സംപ്രേഷണം ചെയ്യും.