തിരുവല്ല: എലിപ്പനി ബാധിച്ച് വേങ്ങൽ സ്വദേശിയായ ഓട്ടോ ഡ്രൈവർ മരിച്ചു. പെരിങ്ങര വേങ്ങൽ മുണ്ടപ്പള്ളി കോളനി കോതകാട്ട് ചിറയിൽ രാജൻ (61) ആണ് മരിച്ചത്. പനിയെ തുടർന്ന് രണ്ടാഴ്ചയായി തിരുവല്ല താലൂക്ക് ആശുപത്രിയിൽ ചികിത്സയിലായിരുന്നു. ഗുരുതരാവസ്ഥയിലായതിനെ തുടർന്ന് 5 ദിവസം മുൻപ് കോട്ടയം മെഡിക്കൽ കോളജ് ആശുപത്രിയിലേക്ക് മാറ്റിയ രാജൻ വ്യാഴാഴ്ച വൈകിട്ട് മരിച്ചു. കനത്ത മഴയെ തുടർന്ന് രണ്ടാഴ്ചയായി ഇവരുടെ വീടിനു ചുറ്റും വെള്ളം കെട്ടിക്കിടക്കുകയാണ്. പ്രമേഹ രോഗിയായ രാജന്റെ കാലിൽ മുറിവുണ്ടായിരുന്നു. ഈ മുറിവിലൂടെയാകാം എലിപ്പനി ബാധിച്ചതെന്നാണ് ആരോഗ്യ വകുപ്പിന്റെ നിഗമനം. സംസ്‌കാരം നടത്തി. ഭാര്യ രമണി . മക്കൾ: രാജേഷ്, രതീഷ്, രേഷ്മ.