കൊട്ടാരക്കര: തമിഴ്നാട്ടിൽ നിന്ന് അൻപതിനായിരം രൂപയുടെ കള്ളനോട്ടുകളുമായെത്തിയ മൂന്നംഗസംഘത്തെ കുന്നിക്കോട് പൊലീസ് അറസ്റ്റ് ചെയ്തു. വാളകം വയയ്ക്കൽ കാർത്തിക ഭവനിൽ മോഹനൻ പിള്ള (74), തിരുവനന്തപുരം മൈലംകോണം മേച്ചിറ സാജൻ നിവാസിൽ ഹേമന്ത് (34), നെയ്യാറ്റിൻകര തൊഴുക്കൽ നെല്ലിവിള വീട്ടിൽജോൺ കി​ഗ്സ്റ്റൺ (31) എന്നിവരാണ് അറസ്റ്റിലായത്.

കൊല്ലം റൂറൽ എസ്.പിക്ക് ലഭിച്ച രഹസ്യ വിവരത്തെ തുടർന്ന് എസ്.പിയുടെ ഡാൻസാഫ് അം​ഗങ്ങളായ എസ്.ഐ ശിവശങ്കരപ്പിള്ള, എ.എസ്.ഐ രാധാകൃഷ്ണൻ, സൈബർ സെൽ സി.പി.ഒ സുനിൽ കുമാർ എന്നിവരുടെ നേതൃത്വത്തിലാണ് പ്രതികളെ പിടികൂടിയത്. ഇവർ സഞ്ചരിച്ചിരുന്ന കാർ കസ്റ്റഡിയിലെടുത്തു. പ്രതികൾ മുമ്പും സമാന കേസുകളിൽ ഉൾപ്പെട്ടിട്ടുള്ളവരാണ്.