ചാത്തന്നൂർ: പ്രമുഖ ഭാഗവതയജ്ഞാചാര്യനും മന്ത്രധ്വനി വേദശാസ്ത്ര പഠന മാസികയുടെ ചീഫ് എഡിറ്ററുമായിരുന്ന കിഴക്കനേല എള്ളുവിള കൈവല്യത്തിൽ എസ്. കേരളകുമാർ (65) നിര്യാതനായി. 1956 നവംബർ ഒന്നിന് കേരളപ്പിറവി ദിനത്തിൽ ജനിച്ചതിനാലാണ് കിഴക്കനേല തെക്കതിൽ വീട്ടിൽ ശ്രീധരൻപിള്ള - ഗോമതിഅമ്മ ദമ്പതികൾ മകന് കേരളകുമാർ എന്ന പേര് നൽകിയത്.

ചിന്തകൻ, പ്രഭാഷകൻ, എഴുത്തുകാരൻ, അദ്ധ്യാപകൻ എന്നീ നിലകളിലും പ്രവർത്തിച്ചിരുന്നു. ആദ്യകാല അമച്വർ നാടക രചയിതാവും സംവിധായകനും നടനുമായിരുന്നു. ശ്രീനാരായണ ഗുരുദേവന്റെ സുബ്രഹ്മണ്യകീർത്തനത്തെ അധികരിച്ച് സ്കന്ദപുരാണത്തിന് ബൃഹത് വ്യാഖാനം എഴുതി പൂർത്തിയാക്കി പ്രസിദ്ധീകരണത്തിനുള്ള തയ്യാറെടുപ്പിലായിരുന്നു. ഭാര്യ. പ്രമീളാകുമാരി. മക്കൾ: കൈരളി, കൈലാസ്. മരുമകൻ: ശരത്ത്.