 ആവശ്യക്കാർ കൂടിയതോടെ കൃത്രിമക്ഷാമം

കൊല്ലം: ശരീരത്തിലെ ഓക്സിജന്റെ അളവ് പരിശോധിക്കുന്നതിനുള്ള ഓക്സിമീറ്ററിന് ആവശ്യക്കാരേറുന്നു. കൊവിഡ് രണ്ടാം തരംഗത്തിൽ രക്തത്തിൽ ഓക്സിജന്റെ അളവ് കുറയുന്നത് പ്രധാന ലക്ഷണങ്ങളിലൊന്നാണ്. അതിനാൽ വീടുകളിൽ കഴിയുന്ന കൊവിഡ് രോഗികൾ ഇവ വാങ്ങാറുണ്ട്.

ഡോക്ടർമാർ ഓക്സിമീറ്റർ ഉപയോഗം പ്രോത്സാഹിപ്പിക്കുന്നതിനാൽ ആവശ്യക്കാരുടെ എണ്ണവും ഉയരുകയാണ്. ഈ അവസരം മുതലെടുത്താണ് ചില വ്യാപാരികൾ കൊള്ളവില ഈടാക്കുന്നത്.

നേരത്തെ മൊത്തവിലയുടെ മൂന്നിലൊന്ന് തുക നൽകിയാൽ ഓക്സിമീറ്റർ യഥേഷ്ടം ലഭ്യമായിരുന്നു. മെഡിക്കൽ സ്റ്റോറുകളിലെ കുറഞ്ഞവില 500 രൂപയായിരുന്നു. ഇപ്പോൾ മുഴുവൻ തുക നൽകിയാലും കമ്പനികൾ നൽകാത്ത അവസ്ഥയാണ്.

പാക്കറ്റുകളിൽ 2000 - 2400 രൂപ വരെയാണ് പരമാവധി വില്പന വില. വില്പന വിലയിൽ മാറ്റമില്ലെങ്കിലും നേരത്തെ ലഭിച്ചിരുന്നതിനേക്കാൾ ഇരട്ടി വിലയ്ക്കാണ് ഇപ്പോൾ ഓക്സിമീറ്റർ മെഡിക്കൽ സ്റ്റോറുകൾക്ക് ലഭിക്കുന്നത്.

 പ്രവർത്തിപ്പിക്കുന്നത്

1. 15 മിനിട്ട് വരെ വിശ്രമിച്ച് ശരീരം സാധാരണനിലയിലാക്കിയശേഷം പരിശോധന
2. മീറ്റർ നടുവിരലിലോ ചൂണ്ട് വിരലിലോ ഘടിപ്പിക്കണം
3. മീറ്ററിലെ റീഡിംഗ് കൃത്യമാകുന്നത് വരെ കാത്തിരിക്കണം
4. പ്രതിദിനം മൂന്നുതവണ ഇത്തരത്തിൽ റീഡിംഗെടുക്കണം
5. റീഡിംഗ് 93 ൽ കുറവാണെങ്കിൽ ഡോക്ടറുടെ സേവനം തേടണം

 വില

മെഡിക്കൽ സ്റ്റോറുകളിൽ നേരത്തെ: 500 - 800 രൂപ

നിലവിൽ: 1,200 രൂപയ്ക്ക് മുകളിൽ

ഓൺലൈൻ വിൽപ്പന നേരത്തെ: 300 രൂപ

ഇപ്പോൾ: 500 രൂപ

''

ഇപ്പോഴത്തേത് കൃത്രിമ ക്ഷാമമാണ്. വില ഉയർത്തി വിൽക്കാനുള്ള കമ്പനികളുടെ തന്ത്രമാണിത്.

മെഡിക്കൽ വ്യാപാരി