കരുനാഗപ്പള്ളി : കൊവിഡ് വാക്സിൻ ചലഞ്ച് ഏറ്റെടുത്ത് കരുനാഗപ്പള്ളി സർവീസ് സഹകരണ ബാങ്ക് .മുഖ്യമന്ത്രിയുടെ ദുരിതാശ്വാസ നിധിയിലേക്ക് 7 ലക്ഷം രൂപ സംഭാവന നൽകി. ഇന്നലെ രാവിലെ ബാങ്ക് ഹാളിൽ സംഘടിപ്പിച്ച ചടങ്ങിൽ വച്ച് ബാങ്ക് പ്രസിഡന്റ് മുഹമ്മദ് റാഫി താലൂക്ക് സർക്കിൾ സഹകരണ യൂണിയൻ പ്രസിഡന്റ് ആർ .രാമചന്ദ്രൻപിള്ളയ്ക്ക് ചെക്ക് കൈമാറി. ബാങ്ക് ഭരണസമിതി അംഗങ്ങളായ പി .എസ്. രവീന്ദ്രൻ, എം. സുരേഷ് കുമാർ, സെക്രട്ടറി ടി .സുതൻ തുടങ്ങിയവർ പങ്കെടുത്തു.