കൊ​ല്ലം​:​ ​കൊ​വി​ഡ് ​ര​ണ്ടാം​ഘ​ട്ട​ ​വ്യാ​പ​നം​ ​രൂ​ക്ഷ​മാ​യ​ ​പ​ശ്ചാ​ത്ത​ല​ത്തി​ൽ​ ​ഇ​ന്ന് ​മു​ത​ൽ​ ​ആ​രം​ഭി​ക്കു​ന്ന​ ​ലോ​ക്ക്ഡൗ​ൺ​ ​നി​യ​ന്ത്ര​ണ​ങ്ങ​ളു​ടെ​ ​ഭാ​ഗ​മാ​യി​ ​പരിശോധന കർക്കശമാക്കി സി​റ്റി​ ​പൊ​ലീ​സ്.​ ​ഇ​ന്ന​ലെ​ ​വൈ​കി​ട്ട് ​ആ​റി​ന് ​മു​ൻ​പ് ​ത​ന്നെ​ ​പൊ​ലീ​സ് ​പരിശോധനയ്ക്കുള്ള ഒ​രു​ക്ക​ങ്ങ​ൾ​ ​പൂ​ർ​ത്തി​യാ​ക്കി​.
പ്ര​ധാ​ന​ ​ജം​ഗ്ഷ​നു​ക​ളി​ൽ​ ​താ​ത്‌​കാ​ലി​ക​ ​പ​ന്ത​ലു​ക​ൾ,​ ​ചെ​ക്കിം​ഗ് ​പോ​യി​ന്റു​ക​ൾ,​ ​ടെ​ന്റു​ക​ൾ​ ​തു​ട​ങ്ങി​യ​വ​ ​സ്ഥാ​പി​ച്ചി​ട്ടു​ണ്ട്.​ ​ചി​ല​ ​പ്ര​ത്യേ​ക​ ​മേ​ഖ​ല​ക​ളി​ൽ​ ​ഇ​ള​വു​ക​ൾ​ ​ന​ൽ​കി​യി​ട്ടു​ണ്ടെ​ങ്കി​ലും​ ​കൃ​ത്യ​മാ​യ​ ​കാ​ര​ണം​ ​ബോ​ദ്ധ്യ​പ്പെ​ടു​ത്താ​ത്ത​വ​രെ​ ​തി​രി​ച്ച​യ​യ്ക്കും.​ ​
ആ​ദ്യ​ദി​വ​സ​മാ​യ​ ​ഇ​ന്ന് ​താ​ക്കീ​ത് ​ന​ൽ​കി​ ​യാ​ത്ര​ക്കാ​രെ​ ​വി​ട്ട​യ​യ്ക്കു​ന്ന​ ​ന​ട​പ​ടി​ക​ളി​ൽ​ ​ഒ​തു​ക്കു​മെ​ങ്കി​ലും​ ​വ​രും​ ​ദി​വ​സ​ങ്ങ​ളി​ൽ​ ​പി​ഴ​ ​അ​ട​ക്ക​മു​ള്ള​ ​ശി​ക്ഷാ​ന​ട​പ​ടി​യാ​കും​ ​സ്വീ​ക​രി​ക്കു​ക

വാഹനം പിടിച്ചെടുക്കും

ഒന്നിലധികം തവണ നിർദേശം മറികടന്നെത്തിയാൽ വാഹനം പിടിച്ചെടുക്കും. ലോക്ക് ഡൗൺ പൂർത്തിയായ ശേഷം മാത്രമേ ഇത്തരത്തിൽ പിടികൂടുന്ന വാഹനങ്ങൾ വിട്ടുനൽകുകയുള്ളൂവെന്ന് പൊലീസ് വ്യക്തമാക്കിയിട്ടുണ്ട്.

പരിശോധനാകേന്ദ്രങ്ങൾ

 എല്ലാ സ്റ്റേഷൻ പരിധിയിലെയും പ്രധാന കവലകൾ, സ്റ്റേഷൻ അതിർത്തികൾ

 മാർക്കറ്റുകൾ, പൊതു സ്ഥലങ്ങൾ എന്നിവ കേന്ദ്രീകരിച്ച് പ്രത്യേക പട്രോളിംഗ്

 കണ്ടെയിൻമെന്റ് സോണുകളുടെ അതിർത്തികളിൽ കർശന പരിശോധന

 നിരീക്ഷണത്തിലുള്ളവരുടെ വീടുകൾ കേന്ദ്രീകരിച്ച് പൊലീസ് വാളണ്ടിയർമാരുടെ നിരീക്ഷണം

ഹാജരാക്കേണ്ട രേഖകൾ

 അവശ്യസേവന മേഖലകളിലുള്ളവർ തിരിച്ചറിയൽ കാർഡ് കാണിക്കണം

 ഇളവുള്ള മേഖലകളിൽ ജോലിക്ക് പോകുന്നവർ ഫോൺ നമ്പർ, പേര് എന്നിവ എഴുതി നൽകണം (കടത്തിവിടുന്നത് പൊലീസിന്റെ വിവേചനാധികാരത്തിൽ മാത്രമായിരിക്കും)

 ആശുപത്രിയിൽ രോഗികൾക്ക് കൂട്ടിരിക്കാൻ പോകുന്നവർ ചികിത്സാ രേഖകൾ കാണിച്ച് ബോദ്ധ്യപ്പെടുത്തണം

 ദീർഘദൂര യാത്രക്കാർ യാത്രാരേഖ (ട്രെയിൻ, എയർ ടിക്കറ്റുകൾ) കാണിക്കണം

 എയർപോർട്ട്, റെയിൽവേ സ്റ്റേഷൻ എന്നിവിടങ്ങളിലേക്ക് പോകുന്നവർ സ്വകാര്യ വാഹനങ്ങൾ ഉപയോഗിക്കരുത്

 ഡ്രൈവറെ കൂടാതെ രേഖകളുള്ള യാത്രക്കാർ മാത്രമേ പുറത്തിറങ്ങാവൂ. കൂട്ടിന് ആളെ കൊണ്ടുപോകരുത്

 അത്യാവശ്യയാത്രകൾക്ക് തിരികെയെത്തുന്ന സമയം ഉൾപ്പെടെ സത്യവാങ്മൂലം എഴുതി നൽകേണ്ടിവരും