ഉമയനല്ലൂർ: മുഖ്യമന്ത്രിയുടെ വാക്സിൻ ചലഞ്ചിലേക്ക് ഉമയനല്ലൂർ സർവീസ് സഹകരണ ബാങ്ക് 11,05,001 രൂപ സംഭാവന നൽകി. ബാങ്കിന്റെ പൊതുനന്മ ഫണ്ടിൽ നിന്ന് പത്ത് ലക്ഷം രൂപയും ജീവനക്കാരുടെ രണ്ടുദിവസത്തെ വേതനവുമാണ് നൽകിയത്.

ബാങ്ക് അങ്കണത്തിൽ നടന്ന ചടങ്ങിൽ പ്രസിഡന്റ് എസ്. ഫത്തഹുദ്ദീന് നിയുക്ത എം.എൽ.എ എം. നൗഷാദിന് ചെക്ക് കൈമാറി. മയ്യനാട് ഗ്രാമപഞ്ചായത്ത് വൈസ് പ്രസിഡന്റ് ജവാബ് റഹ്മാൻ, സെക്രട്ടറി ശോഭ, ഭരണസമിതി അംഗങ്ങളായ എ.എം. ഹാഷിം, എസ്.ആർ. സജി, രവീന്ദ്രൻപിള്ള, ഇമാം ഹുസൈൻ, അർജുനൻ, അമ്പിളി, ശൈല, പ്രഭാകുമാരി തുടങ്ങിയവർ സംസാരിച്ചു.