ആ​ക്ര​മ​ണ​ത്തിൽ പൊ​ലീ​സു​കാ​ര​നും പെ​ട്രോൾ പ​മ്പ് ജീ​വ​ന​ക്കാ​ര​നും പ​രിക്ക്

കൊ​ട്ടാ​ര​ക്ക​ര: സി​നി​മാക്കഥകളെ വെ​ല്ലു​ന്ന ഇ​രു​ച​ക്ര​വാ​ഹ​ന മോ​ഷ​ണ പ​ര​മ്പ​ര​ക​ളാ​ണ് കൊ​ട്ടാ​ര​ക്ക​ര​യിൽ അ​ര​ങ്ങേ​റു​ന്ന​ത്. കഴിഞ്ഞ ദിവസം ഒ​രു ബൈ​ക്കും സ്​കൂ​ട്ട​റു​മാ​ണ് സംഘം മോ​ഷ്ടി​ച്ച് ക​ട​ത്തി​യ​ത്. ആ​ദ്യ​മോ​ഷ​ണം പു​ല​മ​ണിൽ ഐ​മാ​ളി​ന് സ​മീ​പം പു​ലർ​ച്ചെ മൂ​ന്ന് മ​ണി​ക്കാ​യി​രു​ന്നു. ഇ​വി​ടെ ഓ​ട്ടോ​റി​ക്ഷാവർ​ക്ക് ഷോ​പ്പ് ന​ട​ത്തു​ന്ന അ​നി​ലി​ന്റെ വീ​ട്ടി​ലെ ഷെ​ഡിൽ സൂ​ക്ഷിച്ചി​രു​ന്ന സ്​കൂ​ട്ട​റാ​ണ് മോ​ഷ്ടി​ച്ച​ത്.

സംഘം മോഷ്ടിച്ച് കടത്തിയതെന്ന് കരുതുന്ന മാരുതി കാറിന്റെ ഡീസൽ തീർന്നതോടെ എം.സി റോഡരികിൽ കണ്ട വീട്ടിൽ കയറി സ്‌കൂട്ടർ മോഷ്ടിക്കുകയായിരുന്നെന്നാണ് പൊലീസിന്റെ നിഗമനം.

സ്​കൂ​ട്ട​റു​മാ​യി ഒ​ന്ന​ര കി​ലോ​മീ​റ്റർ അ​ക​ലെ​യു​ള്ള ക​രി​ക്ക​ത്തെ പെ​ട്രോൾ പ​മ്പിലെത്തി ഡീ​സൽ ക​ന്നാ​സിൽ വാ​ങ്ങി. ഇ​തി​നി​ട​യിൽ പെട്രോൾ പമ്പ് ജീ​വ​ന​ക്കാ​ര​ന്റെ ക​ണ്ണിൽ മു​ള​കുപൊ​ടി വിതറി. ജീ​വ​ന​ക്കാ​രൻ ഓ​ടി​മാ​റി​യ​തിനാൽ കൈയി​ലെ ബാ​ഗ് കൈ​ക്ക​ലാ​ക്കാൻ മോ​ഷ്ടാ​ക്കൾ​ക്ക് ക​ഴി​ഞ്ഞി​ല്ല. സ്​കൂ​ട്ട​റിൽ കൊ​ട്ടാ​ര​ക്ക​ര​യി​ലേ​ക്ക് ത​ന്നെ തി​രി​കെ വ​ന്ന മോ​ഷ്ടാ​ക്കൾ കാർ റോ​ഡ​രി​കിൽ ഉ​പേ​ക്ഷി​ച്ച് സ്​കൂ​ട്ട​റു​മാ​യി രക്ഷപ്പെട്ടു. പെ​ട്രോൾ പ​മ്പി​ലെ ആ​ക്ര​മ​ണ​ത്തി​ന്റെ ദൃ​ശ്യ​ങ്ങൾ സി.സി.ടി.വിയിൽ പ​തി​ഞ്ഞു. തു​ടർ​ന്ന് ഇ​ന്ന് ഉ​ച്ച​യോ​ടെ ഒ​രു​ബു​ള്ള​റ്റിൽ ര​ണ്ട് യു​വാ​ക്കൾ പു​ല​മ​ണിൽ ഉ​പേ​ക്ഷി​ച്ചി​രു​ന്ന കാ​റി​ന​ടു​ത്തെ​ത്തി​. പൊ​ലീസ് സ്ഥ​ല​ത്തെ​ത്തി​യെ​ങ്കി​ലും പൊ​ലീ​സു​കാ​രെ ഇ​ടി​ച്ചി​ട്ട ശേ​ഷം ഇ​വർ കടന്നുകളയുകയായിരുന്നു. കൊ​ട്ടാ​ര​ക്ക​ര പൊ​ലീസ് സ്റ്റേ​ഷ​നി​ലെ സി​വിൽ പൊ​ലി​സ് ഓ​ഫീ​സർ സ​ലി​ലി​ന് ആ​ക്ര​മ​ണത്തിൽ പ​രി​ക്കേ​റ്റു. അ​ടു​ത്ത ക​വർ​ച്ച ന​ട​ന്ന​ത് ഉ​ച്ച​യ്ക്ക് മൂ​ന്ന് മ​ണി​യോ​ടെ ത​ല​ച്ചി​റ​യിലാണ്. കേ​ബിൾ ഓ​പ്പ​റേ​റ്റർ സൂ​ര​ജി​ന്റെ കടയുടെ മു​ന്നിൽ വെ​ച്ചി​രു​ന്നു ബൈ​ക്കാണ് മോ​ഷ്ടി​ച്ച് ക​ട​ത്തിയത്. കൊ​ട്ടാ​ര​ക്ക​ര​യി​ലും പ​രി​സ​ര പ്ര​ദേ​ശ​ങ്ങ​ളിലുമായി ര​ണ്ട് മാ​സ​ത്തി​നി​ടെ ന​ഷ്ട​പ്പെ​ട്ട​ത് ഏ​ഴി​ല​ധി​കം ഇ​രു​ച​ക്ര​വാ​ഹ​ന​ങ്ങ​ളാ​ണ്. എല്ലാ മോഷണത്തിന് പിന്നിലും ഒ​രേ ​സം​ഘ​മാ​ണെ​ന്നാ​ണ് പൊ​ലീസി​ന്റെ നി​ഗ​മ​നം.