കൊല്ലം: കൊവിഡ് കാലത്ത് തെ​രു​വിൽ ക​ഴി​യു​ന്ന​വർ​ക്ക് പാർപ്പിടവും ഭക്ഷണ സൗകര്യവുമൊരുക്കി കൊല്ലം നഗരസഭ. തേവള്ളി ബോയ്സ് ഹയർ സെക്കൻഡറി സ്കൂളിലെ രണ്ട് കെട്ടിടങ്ങളിലാണ് താമസ സൗകര്യം സജ്ജമാക്കിയിരിക്കുന്നത്. ന​ഗ​ര​സ​ഭ​യു​ടെ നേതൃത്വത്തി​ലു​ള്ള ജ​ന​കീ​യ ഹോ​ട്ട​ലിൽ നിന്ന് ഇവർക്കുള്ള ഭക്ഷണവുമെത്തിക്കും.

ആർ.ടി.പി.സി.ആർ പ​രി​ശോ​ധ​ന​യ്​ക്ക് ശേ​ഷ​മാ​ണ് കേന്ദ്രത്തിൽ പ്രവേശനം നൽകുന്നത്. നിലവിൽ 55 പേ​രെ​യാ​ണ് പാർ​പ്പി​ച്ചി​ട്ടു​ള്ള​ത്. ഇവർക്ക് ആവശ്യമായ സേവനങ്ങൾ ലഭ്യമാക്കുന്നതിന് സിവിൽ ഡിഫൻസ് വോളണ്ടിയർമാരെയും നിയമിച്ചിട്ടുണ്ട്. ഇതിനുപുറമെ ആശ്രാമ​ത്തും ബീ​ച്ചി​ലും പ​രി​സ​ര​പ്ര​ദേ​ശ​ങ്ങ​ളി​ലു​മു​ള്ള തെ​രു​വുനാ​യ്​ക്കൾ​ക്കും നഗരസഭയുടെ നേതൃത്വത്തിൽ ഭ​ക്ഷ​ണം നൽകുന്നുണ്ട്.

മേ​യർ പ്ര​സ​ന്ന ഏ​ണ​സ്റ്റ്, ഡെ​പ്യൂ​ട്ടി മേ​യർ കൊ​ല്ലം മ​ധു, സ്ഥി​രം സ​മി​തി അ​ദ്ധ്യ​ക്ഷ​രാ​യ യു. പ​വി​ത്ര, ഗീതാകുമാരി, ജ​യൻ, ഉ​ദ​യ​കു​മാർ, സ​വി​താദേ​വി തു​ട​ങ്ങി​യ​വർ കേ​ന്ദ്ര​ത്തിലെത്തി ക്ര​മീ​ക​ര​ണ​ങ്ങൾ വി​ല​യി​രു​ത്തി.