കൊല്ലം: ന്യൂ​ന​മർ​ദ്ദം ചു​ഴ​ലി​ക്കാ​റ്റാ​യി രൂ​പ​പ്പെ​ട്ട് നാ​ശ​ന​ഷ്​ട​ങ്ങൾ ഉ​ണ്ടാ​കാൻ സാ​ദ്ധ്യ​ത​യു​ള്ള​തി​നാൽ തീ​ര​ദേ​ശ ​-​ മ​ല​യോ​ര മേ​ഖ​ല​ക​ളിൽ ജില്ലാ കളക്ടർ ബി. അബ്ദുൽ നാസർ ജാ​ഗ്ര​താ നിർ​ദേ​ശം നൽകി. അ​പ​ക​ട​ക​ര​മാ​യി നിൽ​ക്കു​ന്ന വൃ​ക്ഷ​ശി​ഖ​ര​ങ്ങൾ മു​റി​ച്ചുമാ​റ്റാ​നും കെ​ട്ടി​ട​ങ്ങ​ളിൽ അ​റ്റ​കു​റ്റ​പ്പ​ണി​കൾ ന​ട​ത്താ​നും പൊ​തു​മ​രാ​മ​ത്ത് വ​കു​പ്പി​നോട് നിർ​ദേശിച്ചിട്ടുണ്ട്.

കടലിൽ മ​ത്സ്യ​ബ​ന്ധ​നത്തിന് പോകുന്നത് ഒഴിവാക്കണം. ഖ​ന​ന​പ്ര​വർ​ത്ത​ന​ങ്ങൾ​ക്കും അ​നു​മ​തി​യി​ല്ല. തീർ​ത്ഥാ​ട​ന കേ​ന്ദ്ര​ങ്ങ​ളിൽ സു​ര​ക്ഷാ ക്ര​മീ​ക​ര​ണ​ങ്ങൾ ഏർ​പ്പെ​ടു​ത്തും. മൃ​ഗ​സം​ര​ക്ഷ​ണം, കാർ​ഷി​ക വി​ള​സം​ര​ക്ഷ​ണം എ​ന്നീ മേ​ഖ​ല​ക​ളി​ലും ഏ​കോ​പ​നം കാ​ര്യ​ക്ഷ​മ​മാ​ക്കി.

അ​ടി​യ​ന്ത​ര​സാ​ഹ​ച​ര്യം നേ​രി​ടാൻ അ​ഗ്‌​നി​ശ​മ​ന സേ​ന 24 മ​ണി​ക്കൂ​റും സ​ജ്ജ​മാ​ണ്. വി​ദ്യാ​ഭ്യാ​സ വ​കു​പ്പ് സ്കൂൾ കെ​ട്ടി​ട​ങ്ങ​ളു​ടെ സു​ര​ക്ഷ പ​രി​ശോ​ധി​ച്ച് ഉ​റ​പ്പ് വരുത്തും. അ​ഭ​യ​കേ​ന്ദ്രം ഒ​രു​ക്കാൻ സാ​മൂ​ഹ്യ നീ​തി​വ​കു​പ്പി​നെ ചുമലതപ്പെടുത്തി. പ​ട്ടി​ക​ജാ​തി - ​വർ​ഗ മേ​ഖ​ല​ക​ളി​ലും കോ​ള​നി​ക​ളി​ലും ജാ​ഗ്ര​താ നിർ​ദേ​ശം നൽകി. വൈ​ദ്യു​തി തടസം പരിഹരിക്കാൻ കെ.എ​സ്​​.ഇ.ബിയും പ്രവർത്തന സജ്ജമാണ്.