കുന്നിക്കോട് : പിറവന്തൂർ വില്ലേജിൽ കറവൂർ കാരിക്കുഴിയിൽ നിന്ന് 200 ലിറ്റർ കോട പത്തനാപുരം എക്സൈസ് കണ്ടെത്തി നശിപ്പിച്ചു. എക്സൈസ് റേഞ്ച് ഇൻസ്പെക്ടർ ബെന്നി ജോർജിന് ലഭിച്ച രഹസ്യവിവരത്തിന്റ അടിസ്ഥാനത്തിലായിരുന്നു റെയ്ഡ്. കേസ് രജിസ്റ്റർ ചെയ്ത് അന്വേഷണം തുടങ്ങിയിട്ടുണ്ട്. റെയ്ഡിൽ അസി.എക്സൈസ് ഇൻസ്പെക്ടർ ദിലീപ്, പ്രിവന്റീവ് ഓഫീസർ വിജയകൃഷ്ണൻ, സിവിൽ എക്സൈസ് ഓഫീസർമാരായ അനീഷ് യോനാസ്, ഗോപൻ മുരളി, മനീഷ്, എന്നിവർ പങ്കെടുത്തു.