കൊല്ലം: പി.എസ്.സി നിയമന ചട്ടങ്ങളും സീനിയോറിറ്റി ലിസ്റ്റും അട്ടിമറിച്ച് ആരോഗ്യവകുപ്പിലെ ഒരു വിഭാഗം ഹെൽത്ത് ഇൻസ്‌പെക്ടർമാർക്ക് സ്ഥാനക്കയറ്റം നൽകാത്ത നടപടി അടിയന്തരമായി പുനഃപരിശോധിക്കണമെന്ന് കേരള സ്റ്റേറ്റ് ഹെൽത്ത് ഇൻസ്‌പെക്ടേഴ്‌സ് അസോസിയേഷൻ സംസ്ഥാന കമ്മിറ്റി ആവശ്യപ്പെട്ടു.

സാനിട്ടറി ഇൻസ്‌പെക്ടർ ഡിപ്ലോമ യോഗ്യതയുള്ള എച്ച്.ഐമാരെയാണ് 21 വർഷമായി അവഗണിക്കുന്നത്. കേരള അഡ്മിനിസ്‌ട്രേറ്റീവ് ട്രിബ്യൂണലിന്റെ ഉത്തരവുണ്ടായിട്ടും സ്ഥാനക്കയറ്റം മനപ്പൂർവം തടയുകയാണ്. സീനിയോറിറ്റി നിശ്ചയിക്കുന്നത് പി.എസ്.സി അഡ്വൈസ് മെമ്മോ തീയതിയുടെ അടിസ്ഥാനത്തിലായിരിക്കണമെന്ന ഹൈക്കോടതി വിധിയും ലംഘിക്കപ്പെട്ടെന്ന് യോഗം ചൂണ്ടിക്കാട്ടി.
കെ.എസ്.എച്ച്.ഐ.എ സംസ്ഥാന ജനറൽ സെക്രട്ടറി പി.ആർ. ബാലഗോപാൽ യോഗം ഉദ്ഘാടനം ചെയ്തു. സംസ്ഥാന പ്രസിഡന്റ് പി.എസ്. തൃദീപ് കുമാർ അദ്ധ്യക്ഷനായി. വൈസ് പ്രസിഡന്റ് പി. സുജലദേവി, ട്രഷറർ ജെറി ബെനഡിക്ട്, കെ.എം. ജാസ്മിൻ, വി. ഷാജി, ജെ. ജോൺ, എ. രാജേഷ്, രാംദാസ് തുടങ്ങിയവർ സംസാരിച്ചു.

ഭാരവാഹികളായി പി.എസ്. തൃദീപ് കുമാർ (പ്രസിഡന്റ്), പി.ആർ. ബാലഗോപാൽ ( ജനറൽ സെക്രട്ടറി), പി. സുജലദേവി, വി. ഷാജി (വൈസ് പ്രസിഡന്റ്), ജെറി ബെനഡിക്ട് (ട്രഷറർ), കെ.എം. ജാസ്മിൻ, എ. രാജേഷ്, ജെ. ജോൺ (ജോ. സെക്രട്ടറി) എന്നിവരെ തിരഞ്ഞെടുത്തു.