പോരുവഴി : പോരുവഴി പഞ്ചായത്ത് പതിനാറാം വാർഡിലെ മാനവികത കമ്മ്യൂണിറ്റി കേന്ദ്രത്തിന്റെ നേതൃത്വത്തിൽ പ്രവർത്തിക്കുന്ന കൊവിഡ് ഹെൽപ്പ് ഡെസ്കിന്റെ ഭാഗമായി ആംബുലൻസ് സർവീസ് തുടങ്ങി. ആംബുലൻസിന്റെ ഫ്ലാഗ് ഒാഫ് ജില്ലാ പഞ്ചായത്ത് അംഗം ശ്യാമളയമ്മ നിർവഹിച്ചു. കമ്മ്യൂണിറ്റി കേന്ദ്രം വൈസ് പ്രസിഡന്റ് ഷീജ അദ്ധ്യക്ഷത വഹിച്ചു. സെക്രട്ടറി രവീന്ദ്രൻ സ്വാഗതം പറഞ്ഞു. വാർഡ് മെമ്പർ പ്രിയ സത്യൻ, സി.പി.എം പോരുവഴി പടിഞ്ഞാറ് സെക്രട്ടറി പ്രതാപൻ, ഗ്രന്ഥശാല സെക്രട്ടറി ശക്തികുമാർ , ഭാരവാഹികളായ അമ്മിണി മോഹൻ, സതീഷ്, ലിനു, മധു ശിവൻപിള്ള, രാംലാൽ, വിഷ്ണു എന്നിവർ സംസാരിച്ചു.