തൊ​ടി​യൂർ: മൂ​ന്ന് ദി​വ​സ​മായി തുടരുന്ന ശ​ക്ത​മാ​യ മ​ഴ​യിൽ തൊ​ടി​യൂർ പ​ഞ്ചാ​യ​ത്തി​ലെ താ​ഴ്​ന്ന പ്ര​ദേ​ശ​ങ്ങ​ളി​ലെ നി​ര​വ​ധി വീ​ടു​കൾ വെ​ള്ള​ത്തി​ന​ടി​യി​ലാ​യി. ഏ​ഴു കു​ടും​ബ​ങ്ങ​ളെ മാ​റ്റി​പ്പാർ​പ്പി​ച്ചു. പ​തി​നെ​ട്ടാം വാർ​ഡി​ലെ 5 കു​ടും​ബ​ങ്ങ​ളെ ക​ല്ലേ​ലി​ഭാ​ഗം തൊ​ടി​യൂർ യു.പി സ്​കൂളി​ലും 6, 10 വാർ​ഡു​ക​ളി​ലെ ഓ​രോ കും​ടും​ബ​ങ്ങളെ അ​ത​ത് വാർ​ഡി​ലെ അങ്കണ​വാ​ടി​ക​ളി​ലു​മാ​ണ് മാ​റ്റിപ്പാർപ്പിച്ചത്. അ​ര​മ​ത്ത് മഠം ജം​ഗ്​ഷ​ന് വ​ട​ക്ക് ഭാ​ഗ​ത്തെ പ്രി​യ​ദർ​ശി​നി കോ​ള​നി​യി​ലെ പ​തി​ന​ഞ്ചോ​ളം പ​ട്ടി​ക​ജാ​തി കുടുംബ​ങ്ങൾ താമസിക്കുന്ന വീടുകളിൽ വെ​ള്ളംക​യ​റി. കാ​റ്റിൽ മ​ര​ങ്ങൾ ഒ​ടി​ഞ്ഞും ക​ട​പു​ഴ​കിയും പ​ല വീ​ടു​കൾ​ക്കും കേ​ടു​പാ​ടുകൾ സം​ഭ​വി​ച്ചു.
വാർ​ഡം​ഗം തൊ​ടി​യൂർ വി​ജ​യ​ന്റെ നേ​തൃ​ത്വ​ത്തിൽ എം.എൽ.എ ഡെ​സ്​ക്കും യൂ​ത്ത് കെ​യ​റും ചേർ​ന്ന് അ​ത്യാ​വ​ശ്യ മ​രു​ന്നും ഭ​ക്ഷ്യ​ക്കി​റ്റും വി​ത​ര​ണം ചെ​യ്​തു​വ​രു​കയാണ്. ​ദുരി​ത​ബാ​ധി​തർ​ക്ക് പ​തി​നാ​യി​രം രൂ​പ വീ​തം അ​ടി​യ​ന്തര ധ​ന​സ​ഹാ​യം അ​നു​വ​ദി​ക്ക​ണ​മെ​ന്ന ആവശ്യം ശക്തമാണ്. സി.ആർ. മ​ഹേ​ഷ് എം​.എൽ.​എ, പ​ഞ്ചാ​യ​ത്ത് സെ​ക്ര​ട്ട​റി ജി. രാ​ധാ​കൃ​ഷ്​ണൻ,വി​ല്ലേ​ജ് ഓ​ഫീ​സർ അ​രുൺ എ​ന്നി​വർ സ്ഥ​ലം സ​ന്ദർ​ശി​ച്ചു. തൊ​ടി​യൂർ പാ​ല​ത്തി​ന്റെ തെ​ക്ക്, വ​ട​ക്ക് ഭാഗങ്ങൾ, കോ​ണ​ത്ത് ഭാ​ഗം, ആ​ര്യൻ പാ​ടം, ക​ര​യ​നാ​ത്തിൽ ഭാ​ഗം, വാ​ഴാ​ലിൽ​ഭാ​ഗം, വെ​യർ​ഹൗ​സി​ന് പ​ടി​ഞ്ഞാ​റു​വ​ശം, തോ​ട്ടു​ക​ര ക്ഷേ​ത്ര​ത്തി​ന് കി​ഴ​ക്കുവ​ശം എ​ന്നി​വി​ട​ങ്ങ​ൾ വെ​ള്ള​ത്തി​ന​ടി​യി​ലാ​ണ്.