പ​ത്ത​നാ​പു​രം: സം​ര​ക്ഷി​ക്കാ​നാ​രു​മി​ല്ലാ​തെ ത​നി​ച്ച് താ​മ​സി​ച്ചി​രു​ന്ന അ​ഞ്ചൽ ത​ടി​ക്കാ​ട് പാ​ങ്ങ​ലിൽ വീ​ട്ടിൽ ആ​രി​ഫാ​ബീ​വി(65യെ ഗാ​ന്ധി​ഭ​വ​നിലെത്തിച്ച് എം.എൽ.എ പി.എ​സ്. സു​പാൽ. പ​തി​ന​ഞ്ച് വർ​ഷം മുൻ​പ് ഭർ​ത്താ​വ് മ​ര​ണ​പ്പെ​ട്ട​,​ മ​ക്ക​ളി​ല്ലാ​ത്ത ഇ​വർ ഒ​റ്റ​യ്​ക്ക് ക​ഴി​ഞ്ഞു​വ​രി​ക​യാ​യി​രു​ന്നു. അ​ടു​ത്തി​ടെ വീ​ഴ്​ച​യിൽ പ​രി​ക്കേ​റ്റ് ഇ​ട​ത് കൈ ഒ​ടി​ഞ്ഞ​തോ​ടെ പ​ര​സ​ഹാ​യ​മി​ല്ലാ​തെ മു​ന്നോ​ട്ടു​പോ​കു​വാൻ ക​ഴി​യാ​ത്ത സ്ഥി​തി​യാ​യി. ആ​രി​ഫ​യു​ടെ ദു​രി​ത ​ജീ​വി​ത​മ​റി​ഞ്ഞ പൊ​തു​പ്ര​വർ​ത്ത​കൻ എം. സ​ജാ​ദ് സി.പി.ഐ അ​ഞ്ചൽ മ​ണ്ഡ​ലം സെ​ക്ര​ട്ട​റി ലി​ജു ജ​മാൽ വ​ഴി വി​വ​രം സു​പാ​ലി​ന്റെ ശ്ര​ദ്ധ​യിൽ​പ്പെ​ടു​ത്തു​ക​യാ​യി​രു​ന്നു. വി​വ​ര​മ​റി​ഞ്ഞ എം.എൽ.എ ഗാ​ന്ധി​ഭ​വൻ സെ​ക്ര​ട്ട​റി പു​ന​ലൂർ സോ​മ​രാ​ജ​നു​മാ​യി ബ​ന്ധ​പ്പെ​ട്ട് വ​യോ​ധി​ക​യു​ടെ സം​ര​ക്ഷ​ണം ഉ​റ​പ്പു​വ​രു​ത്തു​ക​യും ഉ​ടൻ​ത​ന്നെ അ​വ​രെ ഗാ​ന്ധി​ഭ​വ​നി​ലെ​ത്തി​ക്കു​ക​യു​മാ​യി​രു​ന്നു.
ഗാ​ന്ധി​ഭ​വൻ സെ​ക്ര​ട്ട​റി പു​ന​ലൂർ സോ​മ​രാ​ജ​ന്റെ നേ​തൃ​ത്വ​ത്തിൽ കൊ​വി​ഡ് മാ​ന​ദ​ണ്ഡ​ങ്ങൾ പാ​ലി​ച്ച് എം.എൽ.എ.യ്​ക്ക് സ്വീ​ക​ര​ണം നൽ​കി. ലി​ജു ജ​മാൽ, ഗാ​ന്ധി​ഭ​വൻ ഭാ​ര​വാ​ഹി​ക​ളാ​യ പി.എ​സ്. അ​മൽ​രാ​ജ്, ജി. ഭു​വ​ന​ച​ന്ദ്രൻ, സി.പി.ഐ. പ​ത്ത​നാ​പു​രം മ​ണ്ഡ​ലം സെ​ക്ര​ട്ട​റി എം. ജി​യാ​സു​ദ്ദീൻ, സ​ഫ​റു​ള്ളാ​ഖാൻ, ദി​ലീ​പ് എ​സ്. സു​ലൈ​മാൻ, വി​ഷ്​ണു ഭ​ഗ​ത്, എം. സ​ജാ​ദ്, ന​സീർ ആ​ര്യൻ​ത​ട്ടിൽ തു​ട​ങ്ങി​യ​വർ പങ്കെടുത്തു.