തൃശൂർ: ജില്ലയിൽ 3942 പേർക്ക് കൂടി കൊവിഡ് സ്ഥിരീകരിച്ചു. 1242 പേർ രോഗമുക്തരായി. ജില്ലയിൽ രോഗബാധിതരായി ചികിത്സയിൽ കഴിയുന്നവരുടെ എണ്ണം 32,879 ആണ്. തൃശൂർ സ്വദേശികളായ 111 പേർ മറ്റു ജില്ലകളിൽ ചികിത്സയിൽ കഴിയുന്നു. ടെസ്റ്റ് പോസിറ്റിവിറ്റി റേറ്റ് 33.01 % ആണ്.

സമ്പർക്കം വഴി 3916 പേർക്കാണ് രോഗം സ്ഥിരീകരിച്ചത്. കൂടാതെ സംസ്ഥാനത്തിന് പുറത്തുനിന്ന് എത്തിയ ഏഴ് പേർക്കും, 15 ആരോഗ്യപ്രവർത്തകർക്കും, ഉറവിടം അറിയാത്ത നാല് പേർക്കും രോഗബാധ ഉണ്ടായിട്ടുണ്ട്. രോഗ ബാധിതരിൽ 60 വയസ്സിനുമുകളിൽ 251 പുരുഷൻമാരും 247 സ്ത്രീകളും പത്ത് വയസ്സിനു താഴെ 139 ആൺകുട്ടികളും 112 പെൺകുട്ടികളുമുണ്ട്.

3947 പേർ പുതിയതായി ചികിത്സയിൽ പ്രവേശിച്ചതിൽ 385 പേർ ആശുപത്രിയിലും 3562 പേർ വീടുകളിലുമാണ്. 11943 സാമ്പിളുകളാണ് പരിശോധനയ്ക്ക് എടുത്തത്. 720 ഫോൺ വിളികളാണ് ജില്ലാ കൺട്രോൾ സെല്ലില്ലേക്ക് വന്നത്. 68 പേർക്ക് സൈക്കോ സോഷ്യൽ കൗൺസിലർമാർ വഴി കൗൺസിലിംഗ് നൽകി.