കൊടുങ്ങല്ലൂർ: വെള്ളക്കെട്ട് രൂക്ഷമായതിനെ തുടർന്ന് എറിയാട് എടവിലങ്ങ് പഞ്ചായത്ത് അതിർത്തിയിലെ അറപ്പ പൊട്ടിച്ചു. കടലേറ്റവും മഴയെയും തുടർന്ന് തീരദേശത്ത് രൂക്ഷമായ വെള്ളക്കെട്ടാണ് അനുഭവപ്പെടുന്നത്. എടവിലങ്ങിന്റെയും എറിയാടന്റെയും പടിഞ്ഞാറൻ മേഖല ഏതാണ്ട് പൂർണമായും വെള്ളത്തിന്റെ അടിയിലായി. ഈ സാഹചര്യത്തിലാണ് ഇരു പഞ്ചായത്തിന്റെയും അതിർത്തി പങ്കിടുന്ന അറപ്പതോട് ജെ.സി.ബി ഉപയോഗിച്ച് തുറന്നത്.

നിയുക്ത എം.എൽ.എ ഇ.ടി ടൈസൺ മാസ്റ്റർ,​ എടവിലങ്ങ് പഞ്ചായത്ത് പ്രസിഡന്റ് ബിന്ദു രാധാകൃഷ്ണൻ,​ എറിയാട് പഞ്ചായത്ത് പ്രസിഡന്റ് കെ.പി രാജൻ,​ കെ.കെ മോഹനൻ, സന്തോഷ് കോരുചാലിൽ, സുഹറാബി ഉമ്മർ, സന്തോഷ് തുടങ്ങിയവർ നേതൃത്വം നൽകി.