കൊടുങ്ങല്ലൂർ: ശ്രീനാരായണപുരം പഞ്ചായത്തിലെ ആർ.ആർ.ടി അംഗങ്ങൾക്ക് പെട്രോൾ ചെലവിനായി 5,​000 രൂപ വിതം നൽകാൻ ഭരണസമിതി തീരുമാനിച്ചു. ട്രിപ്പിൾ ലോക്ഡൗണിന്റെ ഭാഗമായി 21 വാർഡുകളിലും പൊതുജനങ്ങൾക്ക് ആവശ്യമായ മരുന്ന്, ആശുപത്രി സേവനങ്ങൾ,​ അവശ്യ വസ്തുക്കളുടെ വിതരണം തുടങ്ങിയവ ആർ.ആർ.ടി അംഗങ്ങളുടെ നേതൃത്വത്തിലാണ് നടക്കുന്നത്. എം.എസ് മോഹനൻ അദ്ധ്യക്ഷത വഹിച്ച യോഗത്തിൽ വികസന സ്റ്റാൻഡിംഗ് ചെയർമാൻ അയൂബ്, ആരോഗ്യ വിദ്യാഭ്യാസ ചെയർമാൻ നൗഷാദ്,​ സെക്രട്ടറി കെ.എസ് രാമദാസ്, നിഷ തുടങ്ങിയവർ പങ്കെടുത്തു.