കാഞ്ഞാണി: ട്രിപ്പിൾ ലോക്ഡൗൺ പിൻവലിച്ച തക്കം നോക്കി പുറത്തിറങ്ങിയ ജനങ്ങളെ പിഴ അടപ്പിച്ച് പൊലീസ്. സത്യവാങ്മൂലം എഴുതാതെ ഇറങ്ങിയവരെ റോഡരികിൽ തടഞ്ഞ് നിറുത്തി സത്യവാങ്മൂലം എഴുതി വാങ്ങിയും,​ അനാവശ്യ കാര്യങ്ങൾക്കായി ഇറങ്ങിയവർക്കെതിരെ കേസെടുത്തും, വയോധികരെ തിരിച്ചയച്ചും പൊലീസ്

പരിശോധന കർശനമാക്കി.

അന്തിക്കാട് ഗ്രേഡ് എസ്.ഐ സാജൻ.കെ ഗോപിനാഥിന്റെ നേതൃത്വത്തിൽ തൃശൂർ - കാഞ്ഞാണി സംസ്ഥാന പാതയിലും അന്തിക്കാട് എസ്.എച്ച്.ഒ ഇൻ ചാർജ് കെ.എസ് സുരേഷ് കുമാർ, എസ്.ഐ:

കെ.വി സുധീഷ് കുമാർ എന്നിവരുടെ നേതൃത്വത്തിൽ ഇടവഴികളിലും ഉൾപ്രദേശങ്ങളിലും പരിശോധന നടത്തി.

കൊവിഡ് പ്രൊട്ടോക്കോൾ,​ ക്വാറന്റൈൻ എന്നിവ ലംഘിക്കുന്നവർക്കെതിരെ വരും ദിവസങ്ങളിലും പരിശോധനകൾ തുടരുമെന്നും ഇരിങ്ങാലക്കുട ഡിവൈ.എസ്.പി: ടി.ആർ രാജേഷ് കുമാർ പറഞ്ഞു.