വലപ്പാട്: പഞ്ചായത്ത് ഇരുപതാം വാർഡിൽ രോഹിണി തൊഴിലുറപ്പ് സംഘം വിളവിറക്കിയ കപ്പ കൃഷി വാർഡ് മെമ്പർ വൈശാഖ് വേണുഗോപാലിന്റെ നേതൃത്വത്തിലുള്ള ആർ.ആർ.ടി ടീം വിളവെടുത്തു.

അപ്രതീക്ഷിതമായ മഴ തുടർന്ന് കൃഷി നശിക്കുമെന്ന സാഹചര്യത്തിലാണ് തൊഴിലുറപ്പ് സംഘം വാർഡ് മെമ്പറെ ബന്ധപ്പെട്ടത്. കൊവിഡ് സാഹചര്യത്തിൽ കൂട്ടമായി പണിയെടുക്കുന്നതിലുള്ള ബുദ്ധിമുട്ട് കണക്കിലെടുത്താണ് ആർ.ആർ.ടി ടീം വിളവെടുപ്പിന് തയ്യാറായത്. ആർ.ആർ.ടി അംഗങ്ങളായ ബൈജു പനപറമ്പിൽ, ജിതേഷ് ജനാർദ്ദനൻ, പ്രവീൺ രാമത്ത്, സഹദ്, അഷ്ടമൂർത്തി എന്നിവർ നേതൃത്വം നൽകി.