ചാവക്കാട്: കേന്ദ്ര ആയുഷ് മന്ത്രാലയത്തിന്റെ കൊവിഡ് പ്രതിരോധത്തിനുള്ള ആയുഷ് 64 ആയ്യുർവേദ മരുന്ന് സേവാഭാരതി ചാവക്കാട് മുനിസിപ്പൽ സമിതിക്ക് കൈമാറി. സേവാഭാരതി സംയോജക് ഖണ്ഡ് സേവാപ്രമുഖ് മനോജ് പുന്ന മുനിസിപ്പൽ സമിതി പ്രസിഡന്റ് മനോജ് പാലയൂരിന് മരുന്നുകൾ കൈമാറി. സെക്രട്ടറി കെ.എ. ബിജു, ട്രഷറർ കെ.എൻ. പ്രമോദ്, കെ.എൻ. പ്രതീഷ്, അൻമോൽ മോത്തി, എം.ജി. ബാബു എന്നിവർ സന്നിഹിതരായി. അടുത്ത ദിവസം തന്നെ ഡോക്ടറുടെ നിർദ്ദേശമനുസരിച്ച് കൊവിഡ് പൊസിറ്റീവ് രോഗികൾക്ക് മരുന്ന് എത്തിച്ച് നൽകുമെന്ന് ഭാരവാഹികൾ അറിയിച്ചു.