തിരുവനന്തപുരം: അറബിക്കടലിൽ 14ന് ന്യൂനമർദ്ദം രൂപപ്പെടാൻ സാധ്യതയുണ്ടെന്ന കേന്ദ്ര കാലാവസ്ഥാനിരീക്ഷണകേന്ദ്രത്തിന്റെ മുന്നറിയിപ്പിന്റെ അടിസ്ഥാനത്തിൽ ജില്ലയുടെ തീരത്തുനിന്ന് ഇന്ന് മുതൽ ഇനിയൊരു അറിയിപ്പുണ്ടാകുന്നതുവരെ കടലിൽ പോകുന്നതിന് പൂർണവിലക്ക് ഏർപ്പെടുത്തിയതായി ജില്ലാ കളക്ടർ അറിയിച്ചു. നിലവിൽ മത്സ്യബന്ധനത്തിന് പോയിട്ടുള്ളവർ ഇന്ന് അർദ്ധരാത്രിയോടെ അടുത്തുള്ള സുരക്ഷിത തീരത്തെത്തണം. ഇത് സംബന്ധിച്ച് ഫിഷറീസ് വകുപ്പും കോസ്റ്റൽ പൊലീസും മുന്നറിയിപ്പ് നൽകണം. കടലിൽ പോയിട്ടുള്ളവർക്ക് മടങ്ങിയെത്താനുള്ള അടിയന്തര നിർദ്ദേശം നൽകുന്നതിന് കോസ്റ്റ് ഗാർഡിനും കളക്ടർ നിർദേശം നൽകി.