തിരുവനന്തപുരം: സംസ്ഥാനത്ത് കൊവിഡ് രോഗികൾ തുടർച്ചയായ അഞ്ചാം ദിവസവും മുപ്പതിനായിരം കവിഞ്ഞു. ഇന്നലെ 35,636 പേർക്കാണ് രോഗം സ്ഥിരീകരിച്ചത്. ഇതോടെ 3,23,828 പേരാണ് ചികിത്സയിലുള്ളത്. 81 ആരോഗ്യ പ്രവർത്തകരും രോഗബാധിതരായി. 33,196 പേർ സമ്പർക്കരോഗികളാണ്. 2136 പേരുടെ ഉറവിടം വ്യക്തമല്ല. 223 പേർ പുറത്ത് നിന്നു വന്നവരാണ്. 15,493 പേ‌ർ രോഗമുക്തി നേടി.

അടങ്ങാത്ത വ്യാപനം

കൊവിഡ് കോഴിക്കോട് ജില്ലയിൽ അതിവേഗം പടരുകയാണ്. ഇന്നലെ 5554 കേസുകളാണ് റിപ്പോർട്ട് ചെയ്തത്. എറണാകുളം 5002, തൃശൂർ 4070, മലപ്പുറം 3354, തിരുവനന്തപുരം 3111, ആലപ്പുഴ 2536, കോട്ടയം 2515, പാലക്കാട് 2499, കൊല്ലം 1648, കണ്ണൂർ 1484, പത്തനംതിട്ട 1065, കാസർകോട് 1006, ഇടുക്കി 978, വയനാട് 814 എന്നിങ്ങനെയാണ്

വിവിധ ജില്ലകളിലെ സ്ഥിതി.