ടെസ്റ്റ് പോസിറ്റിവിറ്റി 28.37 %

 ചികിത്സയിലുള്ളവർ 3,39,441

തിരുവനന്തപുരം: കൊവിഡ് വ്യാപനം അതിരൂക്ഷമായി തുടരുന്നതിനിടെ സംസ്ഥാനത്ത് ആറാം ദിവസവും രോഗികൾ മുപ്പതിനായിരം കടന്നു.

ഇന്നലെ 31,959 പേരാണ് രോഗബാധിതരായത്. 24 മണിക്കൂറിനിടെ 1,12,635 സാമ്പിളുകൾ പരിശോധിച്ചതോടെ ടെസ്റ്റ് പോസിറ്റിവിറ്റി നിരക്ക് 28.37 ശതമാനമായി ഉയർന്ന് പുതിയ റെക്കാഡിലെത്തി. 3,39,441 പേരാണ് ഇനി ചികിത്സയിലുള്ളത്. 81 ആരോഗ്യ പ്രവർത്തകരും രോഗബാധിതരായി. 49 മരണങ്ങളും സ്ഥിരീകരിച്ചു. ഇന്നലെ രോഗം സ്ഥിരീകരിച്ചവരിൽ 29,700 പേർ സമ്പർക്കരോഗികളാണ്. 1912 പേരുടെ ഉറവിടം വ്യക്തമല്ല. 266 പേർ സംസ്ഥാനത്തിന് പുറത്ത് നിന്നു വന്നവരാണ്. അതേസമയം 16,296 പേർ രോഗമുക്തരായി.

അതിവ്യാപനം തുടരുന്നു

എല്ലാ ജില്ലകളിലും വൈറസിന്റെ അതിവ്യാപനം തുടരുകയാണ്. കോഴിക്കോട് 4238, തൃശൂർ 3942, എറണാകുളം 3502, തിരുവനന്തപുരം 3424, മലപ്പുറം 3085, കോട്ടയം 2815, ആലപ്പുഴ 2442, പാലക്കാട് 1936, കൊല്ലം 1597, കണ്ണൂർ 1525, പത്തനംതിട്ട 1082, ഇടുക്കി 1036, വയനാട് 769, കാസർകോട് 566 എന്നിങ്ങനെയാണ് ജില്ലകളിലെ സ്ഥിതി

ആകെ രോഗികൾ 16,38,778

രോഗമുക്തർ 12,93,590

ആകെ മരണം 5405

നിരീക്ഷണത്തിലുള്ളവർ 7,24,611