കല്ലറ : വസ്തു സംബന്ധമായ തർക്കത്തിൽ ബന്ധുക്കൾ തമ്മിൽ കയ്യാങ്കളി, യുവാവിന് കറിക്കത്തി കൊണ്ട് വെട്ടേറ്റു. പാങ്ങോടിന് സമീപം അയിരൂർ സ്വദേശി സുമൻ (37)നാണ് വെട്ടേറ്റത്. കഴിഞ്ഞ ദിവസമാണ് സംഭവം. സുമനും ബന്ധുവുമായി വസ്തുതർക്കം മാസങ്ങളായി നിലനിൽക്കുകയും പാങ്ങോട് പൊലീസിൽ ഇത് സംബന്ധിച്ച കേസുകൾ നിലനിൽക്കുകയുമാണ്. കഴിഞ്ഞ ദിവസം രാവിലെ വീണ്ടും സംഘർഷം ഉണ്ടാവുകയായിരുന്നു. സുമന്റെ ബന്ധുക്കളായ ദമ്പതികൾ കറിക്കത്തികൊണ്ട് വെട്ടുകയുമായിരുന്നെന്ന് പരാതിയിൽ പറയുന്നു. തലയ്ക്കും കൈയ്ക്കും കാലിനും പരിക്കേറ്റ സുമൻ തിരുവനന്തപുരം മെഡിക്കൽ കോളേജിൽ ചികിത്സ തേടി. സംഭവവുമായി ബന്ധപ്പെട്ട് സുമനും ഭാര്യയും ഉൾപ്പെടെ ഇരു കൂട്ടർക്ക് എതിരേയും കേസെടുത്തതായി പാങ്ങോട് സി.ഐ ഫിലിപ്പ് സാം അറിയിച്ചു.