പെരുമ്പാവൂർ: വെങ്ങോല സർവീസ് സഹകരണ ബാങ്ക് ഒർണ കാരോടിപ്പാടത്ത് നടത്തിയ നെൽകൃഷിയുടെ വിളവെടുപ്പ് ഉദ്ഘാടനം ബാങ്ക് പ്രസിഡന്റ് എം.ഐ. ബീരാസ് നിർവഹിച്ചു. രണ്ടു പതിറ്റാണ്ടിലേറെയായി തരിശുകിടന്നിരുന്ന പാടശേഖരമാണിത്. 20ഏക്കറോളം വരുന്ന പാടശേഖരം ഉടമകളിൽ നിന്ന് മൂന്നു വർഷത്തേക്ക് പാട്ടത്തിനെടുത്താണ് ബാങ്ക് നെൽകൃഷി തുടങ്ങിയത്.
ജ്യോതി വിത്ത് ഉപയോഗിച്ചു നടത്തിയ കൃഷിയിൽ മികച്ച വിളവാണ് ലഭിച്ചത്. കൊയ്ത്തുയന്ത്രം ഉപയോഗിച്ചായിരുന്നു വിളവെടുപ്പ്. നെല്ല് അരിയും അവലുമാക്കി ബാങ്കിന്റെ സൂപ്പർമാർക്കറ്റ് മുഖേന വിറ്റഴിക്കുകയാണ് ലക്ഷ്യം. നെൽകൃഷി മറ്റു തരിശു പാടങ്ങളിലേക്ക് വ്യാപിപ്പിക്കുവാനും ഉദ്യേശമുണ്ട്. ഉദ്ഘാടന ചടങ്ങിൽ ബ്ലോക്ക് പഞ്ചായത്ത് പ്രസിഡന്റ് കെ.എം. അൻവർ അലി, ബാങ്ക് മുൻ പ്രസിഡന്റ് ആർ.സുകുമാരൻ, വാർഡ് മെമ്പർ കെ.എം. അബ്ദുൽ ജലാൽ, ബാങ്ക് ഭരണസമിതിയംഗങ്ങളായ കെ.കെ. ശിവൻ, സി.എസ്. നാസിറുദ്ദീൻ, ഒ.എം. സാജു, എം.വി. പ്രകാശ്, അഡ്വ.വി. വിതാൻ, ബിനേഷ് ബേബി, ബാങ്ക് സെക്രട്ടറി സിന്ധു കുമാർ, എൻ.ആർ. വിജയൻ, സി.വി. ഐസക്ക്, ജുബൈരിയ ഐസക്ക്, സി.എം. മുജീബ്, പി.എ. ഷമീർ, എം.കെ. ബീരാസ് എന്നിവർ സംസാരിച്ചു.