കല്ലമ്പലം: കൊവിഡ് രണ്ടാം തരംഗം രൂക്ഷമായിരിക്കെ പള്ളിക്കൽ പഞ്ചായത്തിൽ ഡോമിസിലറി കെയർ സെന്റർ ആരംഭിച്ചു. കൊവിഡ് പോസിറ്റീവായ വലിയ ആരോഗ്യ പ്രശ്നങ്ങളില്ലാത്ത രോഗികളെ പാർപ്പിക്കാനാണ് ഡോമിസിലറി കെയർ സെന്റർ സജ്ജമാക്കിയത്. പകൽകുറി ഗവ.ഹയർസെക്കൻഡറി സ്കൂളാണ് ഡോമിസിലറി കെയർ സെന്ററായി പ്രവർത്തിക്കുക.അമ്പത് രോഗികൾക്കുള്ള കിടക്കകളാണ് ഇവിടെ തയ്യാറാക്കിയിട്ടുള്ളത്. സെന്ററിന്റെ ഉദ്ഘാടനം പള്ളിക്കൽ പഞ്ചായത്ത് പ്രസിഡന്റ് എം.ഹസീന നിർവഹിച്ചു.വൈസ് പ്രസിഡന്റ് എം. മാധവൻകുട്ടി അദ്ധ്യക്ഷത വഹിച്ചു.പഞ്ചായത്ത് സെക്രട്ടറി ഷീജാമോൾ,മെഡിക്കൽ ഓഫീസർ ഡോ.ജയറാംദാസ്,ഷീബ, രമ്യ,രഘൂത്തമൻ,റീനാകുമാരി,നൂർജഹാൻ തുടങ്ങിയവർ സംസാരിച്ചു.