ബാലരാമപുരം:കഴിഞ്ഞ ദിവസം പൊയ്ത കാറ്റിലും മഴയിലും ഭഗവതിനട ഏലായിൽ വ്യാപക കൃഷിനാശമുണ്ടായി. ഓണം വിപണി ലക്ഷ്യമിട്ട് കർഷകർ നട്ട് വളർത്തിയ ആയിരത്തി അഞ്ഞൂറിൽപ്പരം വാഴകളാണ് കടപുഴകിയത്. ഭഗവതിനട വടക്കേ കുന്നത്തൂർ വീട്ടിൽ സുരേഷ് കുമാർ (400)​,​ഭഗവതിനട ലക്ഷ്മി വിലാസത്തിൽ സോമൻ നാടാർ (600)​,​ ഭഗവതിനട കാടന്നൂർ വീട്ടിൽ ശിവകുമാർ (300)​,​ഭഗവതിനട കോവിൽതേരിവീട്ടിൽ ഗോപകുമാർ (400)​,​ ശിവാലയക്കോണത്ത് ദിലീപ് (200)​,​ ഭഗവതിനട ആതിരഭവനിൽ സൈമൺ (200)​,​ഭഗവതിനട കാണവിളയിൽ ഉണ്ണി (200)​ എന്നിങ്ങനെയാണ് വാഴകൾ കടപുഴകി വീണത്.മഴക്കെടുതി പ്രദേശങ്ങൾ കൃഷി ഭവൻ അധികൃതർ സന്ദർശിച്ചു.